Vətəndaş Əliş Abdullayev DİN-in “Instagram” səhifəsinə yazdığı mesajında üzləşdiyi dələduzluqla bağlı Səbail Rayon Polis İdarəsinin 41-ci Polis Şöbəsinə müraciət etdiyini, müraciətinin obyektiv araşdırıldığını və müsbət həllinin təmin olunduğunu, eləcə də dəymiş maddi ziyanın ödətdirilməsində də köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, obyektivliyə və göstərilən köməkliyə görə Səbail RPİ-nin əməkdaşlarına təşəkkür edir.

Vətəndaş Qurbət Qurbanov Daxili İşlər Nazirliyinə ünvanladığı məktubunda sakini olduğu Yasamal rayonu ərazisində ictimai asayişin və ictimai təhlükəsizliyin etibarlı təmin olunmasına, sosial neqativ halların aradan qaldırılmasına, cinayətkarlığa, o cümlədən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Sosial şəbəkə istifadəçisi Cavid Zeynalov Bakı şəhəri Nərimanov rayonu ərazisində baş vermiş yol nəqliyyat hadisəsi ilə bağlı aparılan şəffaf və obyektiv araşdırmaya görə DİN rəhbərliyinə təşəkkürünü ifadə edir.

Vətəndaş Gülnarə Rüstəmzadə müraciətinə Bakı Şəhər Baş Polis İdarəsində operativ baxılmasına və göstərilən diqqətə görə DİN rəhbərliyinə minnətdarlığını ifadə edir.

Sosial şəbəkə istifadəçisi Məryəm Həsənova Xətai Rayon Polis İdarəsinin 35-ci Polis Şöbəsinin əməkdaşları tərəfindən ona göstərilən operativ köməyə görə DİN rəhbərliyinə və polis əməkdaşlarına təşəkkür edir.

Sosial şəbəkə istifadəçisi Kazım Muradov şəxsiyyət vəsiqəsinin itməsi ilə bağlı müraciətinin müsbət həll olunmasına görə DİN rəhbərliyinə və Şahbuz Rayon Polis Şöbəsinin əməkdaşlarına təşəkkürünü ifadə edir.

Sosial şəbəkə istifadəçisi Leyla Babayeva müraciətinə qısa müddət ərzində baxılmasına görə DİN rəhbərliyinə və Pirallahı Rayon Polis İdarəsinin əməkdaşlarına minnətdarlığını bildirir.

Vətəndaş Tərlan Əskərov yol hərəkəti qaydalarının pozulmasının qarşısının alınması zamanı nümayiş etdirdiyi vətəndaş mövqeyinə görə polis əməkdaşları tərəfindən ona göstərilən diqqət, nəzakət və yüksək münasibətdən məmnunluğunu ifadə edir. O, polis əməkdaşlarının vətəndaşlarla ünsiyyətdə peşəkarlıq, hörmət və etik davranış nümayiş etdirməsini yüksək qiymətləndirərək, bu cür münasibətin cəmiyyətlə polis arasında qarşılıqlı etimadın möhkəmlənməsinə xidmət etdiyini bildirir və DİN rəhbərliyinə, eləcə də polis əməkdaşlarına minnətdarlığını çatdırır.

Vətəndaş Mirsalam Hüseynli DİN-in “Instagram” səhifəsinə təşəkkür mesajı yazıb. O, baş verən yol-nəqliyyat hadisəsi ilə bağlı müraciətinə həssaslıqla yanaşıldığını və dəymiş maddi ziyanın ödənilməsində köməklik göstərildiyini bildirir. Obyektiv araşdırma aparıldığına görə DİN rəhbərliyinə və Nəsimi Rayon Polis İdarəsinin əməkdaşlarına təşəkkür edir.