Vətəndaş Nəriman Behbudzadə məktubunda Daxili İşlər Nazirliyinin “102” Xidməti-Zəng mərkəzinə etdiyi müraciətinə operativ baxıldığını, obyektiv araşdırılaraq müsbət həll olunduğunu bildirərək vətəndaş müraciətlərinə həssas yanaşılmasına görə DİN rəhbərliyinə və Azərbaycan polisinə təşəkkürünü bildirir.

Vətəndaş Günel Atayeva məktubunda üzləşdiyi problemlə bağlı Bərdə Rayon Polis Şöbəsinə etdiyi müraciəti üzrə aparılan obyektiv araşdırmanın nəticəsindən razı olduğunu bildirir. 
O, vətəndaş müraciətlərinə həssas yanaşılmasına görə DİN rəhbərliyinə, göstərilmiş köməklik üçün Bərdə RPŞ-nin əməkdaşlarına təşəkkür edir.

Vətəndaş Vüsal Mehdiyev məktubunda ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Şəhid ailəsi olan Əmir İsmayılov məktubunda üzləşdiyi dələduzluqla bağlı Sumqayıt Şəhər Polis İdarəsinin 1-ci Polis Bölməsinə etdiyi müraciətinə operativ baxıldığını, obyektiv araşdırılaraq müsbət həll olunduğunu və dəymiş maddi ziyanın ödətdirilməsində də köməklik göstərildiyini bildirir. 
O, şəhid ailələrinə, o cümlədən ona göstərilən yüksək diqqət və qayğıya görə DİN rəhbərliyinə və Sumqayıt ŞPİ-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Naxçıvan Muxtar Respublikası, Babək rayon sakini Elşən Hüseynovun məktubunda baş verən yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Babək Rayon Polis İdarəsinin əməkdaşlarına minnətdarlığını bildirir. 

Vətəndaş Ülviyyə Mövsümova DİN-in “Instagram” səhifəsinə yazdığı təşəkkür mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi RPİ-nin əməkdaşlarına minnətdarlığını bildirir.

Əcnəbi vətəndaş Yusup Rövşənov müraciətinə həssas yanaşıldığına, yüksək peşəkarlıqla keçirilmiş operativ tədbirlərlə maddi zərərinin qaytarılmasında edilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Vətəndaş Ceyhun Həyətzadə müraciətinə həssas yanaşılaraq məmnunluğunun təmin olunmasına, xüsusi diqqətə və itmiş əşyasının tapılmasında göstərilən köməkliyə görə Səbail RPİ-nin əməkdaşlarına minnətdarlığını bildirir.

Vətəndaş Vüsalə Salahova müraciətinə dərhal reaksiya verildiyinə və həyata keçirilən operativ tədbirlərə görə Pirallahı RPİ-nin əməkdaşlarına təşəkkürünü bildirir.