Bakı şəhər sakinləri Murad Məmmədov və Bəhruz Həmidov DİN-in “Instagram” səhifəsinə təşəkkür mesajı yazıblar. Onlar Nərimanov Rayon Polis İdarəsinə etdikləri müraciətlərinə operativ baxıldığına, iştirak etdikləri yol-nəqliyyat hadisəsinin obyektiv araşdırılaraq problemin müsbət həll olunmasına görə, Azərbaycan polisinə təşəkkürlərini bildirirlər. 

Bakı şəhər sakini Təranə Cavadova Daxili İşlər Nazirliyinə ünvanladığı məktubunda Yasamal Rayon Polis İdarəsinin 27-ci Polis Bölməsinə müraciət etdiyini qeyd edir. T.Cavadova vətəndaş müraciətlərinə həssas yanaşılmasına və operativliyə görə,  27-ci Polis Bölməsinin əməkdaşlarına təşəkkürünü bildirir.

Şahbuz şəhər sakini İnci Bağırova Daxili İşlər Nazirliyinə ünvanladığı məktubunda üzləşdiyi problemlə bağlı Şahbuz Rayon Polis Şöbəsinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə görə DİN-in və Naxçıvan MR DİN-in rəhbərliyinə təşəkkürünü bildirir. 

Bakı şəhər sakini Çinarə Allahverdiyeva Daxili İşlər Nazirliyinə təşəkkür məktubu ünvanlayıb. O, aliment öhdəliyini uzun müddət yerinə yetirməyən şəxs barəsində etdiyi müraciətinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN-in əməkdaşlarına minnətdarlığını bildirir. 

Vətəndaş Rəşad Quliyev Daxili İşlər Nazirliyinə təşəkkür məktubu ünvanlayıb. O, məktubunda pozulmuş hüquqlarının bərpası ilə bağlı Səbail Rayon Polis İdarəsinin 9-cu Polis Bölməsinə müraciət etdiyini qeyd edir. R.Quliyev müraciətinə operativ baxıldığına, qısa müddətdə araşdırılaraq müvafiq tədbirlərin keçirildiyinə və pozulmuş hüquqlarının bərpa edildiyinə görə 9-cu Polis Bölməsinin əməkdaşlarına minnətdarlığını bildirir.  

Şahbuz rayon sakini Rasim Hacıyev məktubunda üzləşdiyi problemlə bağlı Şahbuz Rayon Polis Şöbəsinə etdiyi müraciətinə operativ baxıldığını, obyektiv araşdırılaraq müsbət həll olunduğunu və dəymiş maddi ziyanın ödətdirilməsində də köməklik göstərildiyini bildirir.
O, vətəndaş müraciətlərinə həssas yanaşılmasına görə Azərbaycan Respublikası Daxili İşlər Nazirliyinin və Naxçıvan MR Daxili İşlər Nazirliyinin rəhbərliklərinə, operativliyə, obyektivliyə və göstərilmiş köməkliyə görə Şahbuz RPŞ-nin əməkdaşlarına təşəkkür edir.

Babək rayon sakini Xoşqədəm Məmmədova məktubunda müraciəti üzrə Babək Rayon Polis İdarəsində aparılan obyektiv araşdırmanın nəticəsindən razı qaldığını və müsbət həll olunduğunu bildirir. O, vətəndaş müraciətlərinə həssas yanaşılmasına görə Azərbaycan Respublikası Daxili İşlər Nazirliyi və Naxçıvan MR Daxili İşlər Nazirliyi rəhbərliklərinə, operativliyə və obyektivliyə görə Babək RPİ-nin əməkdaşlarına təşəkkür edir.

Şərur rayon sakini İlkin Muradov DİN-in “Instagram” səhifəsinə yazdığı mesajında Daxili İşlər Nazirliyinə etdiyi müraciəti üzrə Şərur Rayon Polis İdarəsində obyektiv araşdırma aparıldığını və müsbət həll olunduğunu bildirir. O, vətəndaş müraciətlərinə həssas yanaşılmasına görə Azərbaycan Respublikası Daxili İşlər Nazirliyinin və Naxçıvan MR Daxili İşlər Nazirliyinin rəhbərliklərinə, obyektivlik və həyata keçirilən tədbirlərə görə  Şərur RPİ-nin əməkdaşlarına təşəkkür edir.

Vətəndaş Rövşən Əmiraslanov məktubunda müraciəti üzrə Xəzər Rayon Polis İdarəsinin 1-ci Polis Şöbəsində aparılan obyektiv araşdırmanın müsbət nəticəsindən razı qaldığını və ona dəymiş maddi ziyanın tam ödətdirilməsində də köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, obyektivliyə və göstərilmiş köməkliyə görə Xəzər RPİ-nin əməkdaşlarına təşəkkür edir.