Vətəndaş Turanə Əliyeva DİN-in “Instagram” səhifəsinə yazdığı mesajında Daxili İşlər Nazirliyinə etdiyi müraciəti üzrə obyektiv araşdırma aparıldığını və müvafiq tədbirlərin həyata keçirildiyini yazır. O, vətəndaş müraciətlərinə həssas yanaşılmasına və həyata keçirilmiş tədbirlərə görə DİN rəhbərliyinə və Azərbaycan polisinə təşəkkürünü bildirir.

Vətəndaş Müşfiqə Həsənova DİN-in “Instagram” səhifəsinə yazdığı mesajında üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində aparılan obyektiv araşdırmanın nəticəsindən razı olduğunu bildirir. O, obyektivliyə və həyata keçirilmiş tədbirlərə görə Nərimanov RPİ-nin əməkdaşlarına təşəkkürünü bildirir.   

Şahbuz rayon sakini, şəhid ailəsi Vüqar Cəfərov üzləşdiyi problemlə bağlı müraciəti üzrə Naxçıvan Şəhər Polis İdarəsinin Dövlət Yol Polisi Bölməsində obyektiv araşdırma aparılaraq müraciətinin qısa müddətdə müsbət həll olunduğunu qeyd edir. O, şəhid ailələrinə, o cümlədən ona göstərilən yüksək diqqət və qayğıya görə DİN rəhbərliyinə və Naxçıvan ŞPİ DYPB-nin əməkdaşlarına təşəkkür edir.

Vətəndaş Mehriban Quliyeva DİN-in “Instagram” səhifəsinə təşəkkür mesajı ünvanlayıb: “DİN-in “102” Xidməti-Zəng Mərkəzinə məlumat verdim və Xətai Rayon Polis İdarəsinin 34-cü Polis Şöbəsinin əməkdaşları tərəfindən operativ yardım göstərildi. Buna görə də, DİN-in və Xətai RPİ-nin rəhbərliyinə öz minnətdarlığımı və təşəkkürümü bildirirəm”.

Bakı şəhər sakini Rəşad Xəlilov DİN-in “Facebook” səhifəsinə təşəkkür mesajı ünvanlayıb: “Üzləşdiyim problemlə bağlı DİN-in “Facebook” səhifəsinə müraciət etmişdim. Müraciətimə baxılaraq müvafiq qaydada həlli təmin edildi. Bu çətin prosesdə göstərilən diqqət və operativ fəaliyyət üçün Daxili İşlər Nazirliyinin əməkdaşlarına, eləcə də Nəsimi Rayon Polis İdarəsinin 22-ci Polis Şöbəsinin rəhbərliyinə dərin təşəkkürümü bildirirəm”.

Bakı şəhər sakini Əfqan Axundov DİN-in “Facebook” səhifəsinə təşəkkür mesajı yazıb. O, DİN-in “Facebook” səhifəsi vasitəsilə ünvanladığı müraciətinə operativ baxılmasına və onunla əlaqə saxlanılaraq hüquqi izah verilməsinə görə, DİN-in rəhbərliyinə və Azərbaycan polisinə təşəkkürünü bildirir.

Bakı şəhər sakini Əli İmanov DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı DİN-in “Instagram” səhifəsi vasitəsilə ünvanladığı müraciətinin qısa müddətdə müsbət həll edildiyinə görə, DİN-in rəhbərliyinə və Xətai Rayon Polis İdarəsinin əməkdaşlarına təşəkkürünü bildirir.

Vətəndaş Şəbnəm Əliyeva DİN-in “Instagram” səhifəsinə təşəkkür mesajı ünvanlayıb: “28.08.2025-ci il tarixində üzləşdiyim problemlə bağlı polisə müraciət etmişdim. Nəsimi Rayon Polis İdarəsinin 21-ci Polis Bölməsinin əməkdaşları işimə tez, operativ və obyektiv şəkildə baxdılar. Şikayətim tezliklə təmin olundu. Göstərilən köməkliyə görə DİN-in və Nəsimi RPİ-nin rəhbərliyinə, həmçinin zəhmət çəkən bütün polis əməkdaşlarına dərin minnətdarlığımı və təşəkkürümü bildirirəm. Yaşasın, Azərbaycan polisi!”.

Bakı şəhər sakini İlhamə Alıyeva DİN-in “Instagram” səhifəsinə ünvanladığı mesajında üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN-in rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.