Vətəndaş Həbib Meydanov etdiyi müraciətə operativ baxılmasına və probleminin tez bir zamanda həllini tapmasına görə Naxçıvan Muxtar Respublikasının DİN rəhbərliyinə  minnətdarlığını bildirirlər.

Vətəndaş Sübhan Hüseynov DİN rəhbərliyinə təşəkkür məktubu yazaraq daxili işlər nazirliyinin əməkdaşlarının nümunəvi xidmətlərinə görə Azərbaycan Polisinə minnətdarlığını bildirir.

Sosial şəbəkə istifadəçisi Könül Rüstəmova DİN-in “İnstagram” səhifəsinə  minnətdarlıq məktubu yazaraq qarşılaşdığı problemin həllində göstərilən köməyə görə Suraxanı Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Mələk Eyubova DİN-in “İnstagram” səhifəsinə  təşəkkür məktubu yazaraq Sabunçu RPİ 15-ci Polis Bölməsinə etdiyi müraciətin nəzarətə götürüldüyünü, itirdiyi mobil telefonunun qısa müddətdə tapılaraq ona geri qaytarıldığını qeyd edərək Azərbaycan Polisinə minnətdarlığını bildirir. 

Vətəndaş Yeganə Səlimova operativ xidmətə, təhlükəsizliyin etibarlı təmininə görə Nərimanov RPİ-nin 16-cı Polis Bölməsinin  əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Vətəndaş Mərdan Həsənov müraciətinə tez bir zamanda baxılaraq müsbət həllini tapmasında göstərdikləri köməkliyə görə Baş Dövlət Yol Polisi İdarəsinin əməkdaşlarına təşəkkürünü bildirir.

Vətəndaş Elşad Məhərrəmov müraciətinə operativ baxılaraq onu narahat edən məsələnin aradan qaldırılmasında göstərdikləri köməkliyə görə Nərimanov RPİ-nin 16-cı Polis Bölməsinin  əməkdaşlarına təşəkkürünü bildirir.

Vətəndaş Olqa Morozova şikayətinə operativ baxılmasına görə “102” Xidməti-zəng Mərkəzinin fəaliyyətindən razılığını bildirir, onu narahat edən məsələnin həllini tapmasında göstərdikləri köməkliyə görə Pirallahı Rayon Polis İdarəsinin əməkdaşlarına təşəkkürünü bildirir.

Vətəndaş Fəxri Bağıyev azyaşlı oğlunun məktəbdən evə qayıdarkən səhv marşruta minərək naməlum istiqamətə getməsi barədə müraciətinə operativ baxılaraq övladının tez bir zamanda tapılıb onlara təhvil verilməsində göstərilən köməkliyə görə Nərimanov RPİ-nin 16-cı Polis Bölməsinin  əməkdaşlarına təşəkkürünü bildirir.