Vətəndaş Rəşid İbrahimzadə DİN rəhbərliyinə ünvanladığı təşəkkür məktubunda ictimai sabitliyin qorunmasında, cinayətkarlığa qarşı qətiyyətli mübarizədə Azərbaycan Polisinin xidməti fəaliyyətini təqdir edir və uğurlar diləyir.

Vətəndaş Azad Rəhimzadə DİN rəhbərliyinə ünvanladığı təşəkkür məktubunda şikayətinə operativ və obyektiv şəkildə baxılmasına görə Azərbaycan Polisinin xidməti fəaliyyətini təqdir edir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını bildirir.

Vətəndaş Qabil Abışov müraciətinə tez bir zamanda baxılaraq ona dəyən ziyanın ödənilməsində ona göstərilən köməkliyə görə DİN rəhbərliyinə təşəkkürünü bildirir. O, Azərbaycan Polisinin gərgin xidməti fəaliyyətini yüksək qiymətləndirir və uğurlar diləyir.

Vətəndaş Tural Xasayov şikayətinə operativ baxılaraq müsbət həllini tapmasında ona göstərilən köməkliyə görə DİN rəhbərliyinə təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Vətəndaş Fəxrəndə Tofiqzadə tanımadığı şəxs tərəfindən pulunun mənimsənilməsi ilə bağlı müraciətinə operativ baxılaraq həllini tapmasında göstərdikləri köməkliyə görə Nəsimi RPİ 22-ci Polis Şöbəsinin əməkdaşlarına təşəkkürünü bildirir. 

Vətəndaş Şəhadət Hüseynli evində baş vermiş oğurluq hadisəsinin üstünün tez bir zamanda açılmasında göstərdikləri köməkliyə görə Nəsimi RPİ 19-cu Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Vətəndaş Lalə Əliyeva şəhid ailəsini ziyarətə getdikləri zaman yolda yaranan problem zamanı onların lazımi ünvana çatmaqlarında göstərdikləri köməkliyə görə Bakı şəhər Baş Polis İdarəsi Dövlət Yol Polisi İdarəsinin əməkdaşlarına təşəkkürünü bildirir. 

Vətəndaş Ramin Kərimov avtomobili ilə bağlı qarşılaşdığı problemlə görə etdiyi müraciətə operativ və şəffaflıqla yanaşıldığına görə DİN rəhbərliyinə minnətdarlıq edir və DİO əməkdaşlarına gələcək fəaliyyətlərində uğurlar arzu edir.

Vətəndaş Kəmalə İbrahimova öz sosial şəbəkə səhifəsində avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.