Abşeron rayon sakini Taleh Qəhrəmanov Daxili İşlər Nazirliyinə ünvanladığı məktubunda müraciətinə həssas yanaşıldığına və göstərilən köməkliyə görə DİN rəhbərliyinə və İsmayıllı Rayon Polis Şöbəsinin əməkdaşlarına minnətdarlığını bildirir.

Bakı şəhər sakini Nail İbrahimov DİN-in “Instagram” səhifəsinə təşəkkür mesajı yazıb. O, səhifə vasitəsilə ünvanladığı müraciətinə operativ baxıldığına, Nərimanov Rayon Polis İdarəsinin 17-ci Polis Şöbəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Bakı şəhər sakini Vasif Fətəliyev DİN-in “Instagram” səhifəsinə yazdığı təşəkkür mesajında qulqabısını itirməsilə əlaqədar Səbail Rayon Polis İdarəsinin 9-cu Polis Bölməsinə etdiyi müraciətə operativ baxıldığını və qulqabısının polis əməkdaşları tərəfindən qısa müddətdə tapılaraq ona qaytarıldığını  qeyd edir. O, müraciətinə həssas yanaşıldığına və göstərilən köməyə görə 9-cu Polis Bölməsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Rövşən Cəbiyev qarşılaşdığı problemlə görə etdiyi müraciətə operativ və şəffaflıqla yanaşıldığına görə DİN rəhbərliyinə minnətdarlıq edir və DİO əməkdaşlarına gələcək fəaliyyətlərində uğurlar arzu edir.

Vətəndaş Milanə Əliyeva bir şəxsin sosial şəbəkələr vasitəsi ilə ondan hədə-qorxu yolu ilə 1000 manat tələb etməsi ilə bağlı etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə minnətdarlığını bildirir.

Vətəndaş Mətanət Əliyeva məktubunda mətbuatla əlaqələrin peşəkar şəkildə qurulmasında və media-dövlət qurumu arasında əməkdaşlığın yüksək səviyyədə saxlanılmasına görə DİN  rəhbərliyinə minnətdarlıq edir və DİO əməkdaşlarına gələcək fəaliyyətlərində uğurlar arzu edir.

Vətəndaş Hürnisə Abbasova “whatsapp” vasitəsilə  naməlum şəxs tərəfindən müraciətdə qeyd olunan mobil nömrə tərəfindən hədələrə məruz qaldığı barədə müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir. 

Vətəndaş Xəyalə Qasımova ünvanladığı məktubunda pozulmuş hüquqlarının bərpası ilə bağlı polis orqanlarına müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə DİN rəhbərliyinə və DİO əməkdaşlarına təşəkkürünü bildirir.

Bakı şəhər sakini Riad Hüseynəliyev Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.