Sosial şəbəkə istifadəçisi Zaur Həsənzadə DİN-in “Facebook” səhifəsinə təşəkkür məktubu yazaraq Abşeron RPİ-nin Mehdiabad Polis Bölməsinə etdiyi müraciətin müsbət həll olunduğu qeyd edərək DİN rəhbərliyinə və Abşeron Rayon Polis İdarəsinin əməkdaşlarına minnətdarlığını bildirir. 

Vətəndaş Rauf Kərimov məktubunda üzləşdiyi oğurluq faktı ilə bağlı müraciətinə polis orqanında obyektiv araşdırma aparılaraq məsələyə hüquqi qiymət verildiyini və problemin həllində köməklik göstərildiyini qeyd edir. O, müraciətinə diqqətlə yanaşıldığına, obyektiv araşdırmalara və operativliyə görə DİN rəhbərliyinə həmçinin Nərimanov Rayon Polis İdarəsinin 16-cı Polis Şöbəsi əməkdaşlarına təşəkkür edir, çətin və şərəfli xidmətlərində onlara uğurlar arzulayır.

Vətəndaş Mehdi Kərimov məktubunda avtomobil idarə edərkən qarşılaşdığı problemlə bağlı etdiyi müraciətə polis əməkdaşları tərəfindən çevik reaksiya verildiyi və məsələnin həlli istiqamətində göstərilən köməkliyə görə DİN rəhbərliyinə  təşəkkür edir

Gədəbəy rayon sakini Vüqar Paşayev məktubunda müraciəti ilə əlaqədar Yasamal Rayon Polis İdarəsinə dəvət olunaraq qəbul edildiyini və müvafiq tədbirlərin həyata keçirildiyini yazır. O, müraciətinə operativ reaksiya verilməsinə, göstərilən diqqətə və həyata keçirilən tədbirlərə görə DİN rəhbərliyinə təşəkkürünü bildirir. 

Bakı şəhər sakini Neman Eminov məktubunda polisin vətəndaşların güvən yeri olduğunu qeyd edir, göstərilən diqqət və qayğıya, humanizmə və obyektivliyə görə Nizami Rayon Polis İdarəsinin İstintaq şöbəsinin əməkdaşlarına minnətdarlığını bildirir.

Bakı şəhər sakini Elvin Cəfərov məktubunda müraciətinə çevik reaksiya verildiyini, Səbail Rayon Polis İdarəsi tərəfindən müvafiq tədbirlərin həyata keçirildiyini bildirir. O, vətəndaş müraciətlərinə həssas yanaşılmasına, göstərilən diqqətə və həyata keçirilən operativ tədbirlərə görə DİN rəhbərliyinə və Səbail Rayon Polis İdarəsinin əməkdaşlarına minnətdarlığını bildirir. 

Sosial şəbəkə istifadəçisi Elza Şeydayeva aliment borcu ilə bağlı müraciətinə operativ baxılmasına görə Pirallahi Rayon Polis İdarəsinin əməkdaşlarına minnətdarlığını bildirir.

Vətəndaşlar Səbinə Məmmədova və Nicat Vəliyev dəymiş ziyanın ödətdirilməsində göstərdikləri köməkliyə görə Azərbaycan Polisinə təşəkkürlərini bildirirlər.

Bir qrup vətəndaş Kamran Həsənov, Aytac İbrahimova və İlqar Əhmədzadə xidməti vəzifə borclarını layiqincə yerinə yetirdiklərinə və problemlərinin tez bir zamanda həllini tapmasında göstərilən köməkliyə görə Bakı Şəhər Baş Polis İdarəsinin əməkdaşlarına təşəkkürlərini bildirirlər.