Azərbaycan Respublikasının Şəhid ailələri, Əlilləri və Müharibə Veteranlarının Müdafiəsi İctimai Birliyinin sədri Tahir Məmmədov və birliyin Mətbuat Xidməti və Yutubda “İgid Əskər TV” kanalının rəhbəri Elçin Musayev DİN-in “Instagram” səhifəsinə mesaj yazaraq müraciətlərinə operativ reaksiya verildiyinə və müsbət həll olunduğuna görə DİN rəhbərliyinə və Azərbaycan polisinə minnətdarlıqlarını bildirirlər.

Laçın rayon sakini Əlfəddin Kərimov Daxili İşlər Nazirliyinə ünvanladığı məktubunda müraciətinin müsbət həll olunduğuna görə Yasamal Rayon Polis İdarəsinin əməkdaşlarına minnətdarlığını bildirir.

Jurnalist Elçin Rəhimzadə “Facebook” sosial şəbəkəsindəki hesabında Azərbaycan polisinə təşəkkür mesajı paylaşıb. O, Bakı şəhəri ərazisində qanunsuz parklanma ilə bağlı hesabında paylaşaraq ictimailəşdirdiyi postuna dərhal reaksiya verildiyini və Baş Dövlət Yol Polisi İdarəsinin əməkdaşları tərəfindən qısa müddətdə müvafiq tədbirlərin həyata keçirildiyini qeyd edir. 
E.Rəhimzadə operativliyə və həyata keçirilən tədbirlərə görə DİN rəhbərliyinə və BDYPİ-nin əməkdaşlarına minnətdarlığını bildirir.

Zərdab rayon sakini Çinarə Feyzullayeva Daxili İşlər Nazirliyinə ünvanladığı təşəkkür məktubunda başda DİN rəhbərliyi olmaqla, Azərbaycan Polisinə minnətdarlığını bildirir.

Bakı şəhər sakini Gülnarə Dadaşova müraciətinə operativ baxılaraq itirdiyi pulunun tez tapılıb ona verilməsində göstərilən köməkliyə görə Səbail Rayon Polis İdarəsinin əməkdaşlarına təşəkkürünü bildirir. 

İmişli rayon sakini Mərziyyə Rzayeva etdiyi müraciətə operativ baxılaraq ona göstərilən köməkliyə görə Nərimanov Rayon Polis İdarəsinin 16-cı Polis Bölməsinin əməkdaşlarına təşəkkürünü bildirir. 

İnstaqram izləyicisi Nigar Bayramova sosial şəbəkədə saxta profillər açılaraq şəkillərinin paylaşılması ilə əlaqədar etdiyi müraciətə operativ baxılaraq məsələnin müsbət həll olunmasına görə Xətai Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Elmira İsmatulina ona məxsus olan pul qabının və şəxsiyyət vəsiqəsinin oğurlanması ilə bağlı etdiyi müraciətdə həmin şəxsin tutularaq ona dəyən ziyanın ödənilməsində göstərdikləri köməkliyə görə Nəsimi Rayon Polis İdarəsinin əməkdaşlarına təşəkkürünü bildirir. 

İnstaqram izləyicisi Rəşad Alimov baş vermiş yol-nəqliyyat hadisəsi ilə bağlı obyektiv araşdırma aparılmasına və ona göstərilən köməkliyə görə Nərimanov Rayon Polis İdarəsinin əməkdaşlarına təşəkkürünü bildirir.