Şəmkir rayon sakini Fəxrəddin Məmmədov müraciətinə operativ reaksiya verilərək müsbət həll olunmasında göstərdikləri köməkliyə görə Azərbaycan polisinə minnətdarlığını yazır.

“Ali Meydan Genceli” adlı sosial şəbəkə istifadəçisi DİN-in “Facebook” səhifəsinə təşəkkür mesajı göndərib. O, müraciətinə operativ baxılaraq dəyən maddi ziyanın ödətdirilməsində ona göstərdikləri köməkliyə görə DİN rəhbərliyinə minnətdarlığını bildirir. 

Bakı şəhər sakini Sənəm Əyyubova DİN-ə ünvanladığı təşəkkür məktubunda Azərbaycan polisinin fəaliyyətindən razılığını ifadə edir, həmkarlarımıza çətin və məsuliyyətli xidmətlərində uğurlar arzulayır.

Vətəndaş Amil Qoca xidməti vəzifə borclarını layiqincə yerinə yetirdiklərinə görə Gəncə Şəhər Baş Polis İdarəsinin rəhbərliyinə minnətdarlıq edir. 

Goranboy rayon sakini Anar Süleymanov ünvanladığı məktubda müraciətinə həssas yanaşılmasına, aparılan obyektiv araşdırmalarla qısa müddətdə müsbət həll edilməsinə görə DİN rəhbərliyinə və Azərbaycan polisinə təşəkkürünü bildirir.

Bakı şəhər sakini Fidan Zeynallı müraciətinə obyektiv baxıldığına görə, DİN rəhbərliyinə minnətdarlığını bildirir.

Vətəndaş Mania Nəcəfzadə DİN-in “Instagram” səhifəsinə ünvanladığı mesajında üzləşdiyi dələduzluq faktı ilə bağlı müraciətinə operativ baxıldığına və obyektiv araşdırılaraq qısa müddətdə müsbət həll edildiyinə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Vətəndaş Xəzər Mustafayev DİN-in “Facebook” səhifəsinə ünvanladığı mesajında pulqabısının itməsi ilə bağlı polisə müraciət etdiyini qeyd edir. O, müraciətinə operativ reaksiya verilərək pulqabısının qısa müddət ərzində tapılmasında göstərdikləri köməyə görə Azərbaycan polisinə təşəkkürünü bildirir.

Vətəndaş Nərmin Mehdiyeva DİN-in “Instagram” səhifəsinə təşəkkür mesajı yazıb: “Suraxanı Rayon Polis İdarəsinin 32-ci Polis Bölməsinin rəhbərliyi və əməkdaşları, son vaxtlarda baş verən cinayət hadisəsinin tez bir zamanda açılması və cinayətkarın ədalətə təslim edilməsində göstərdiyiniz yüksək peşəkarlığa görə sizə dərin minnətdarlığımızı bildiririk. Sizin yorulmaz əməyiniz və fədakarlığınız sayəsində cəmiyyətimizin təhlükəsizliyi və rifahı qorunur. Sizin öz işinizə olan bağlılığınız və məsuliyyətiniz hər birimizin ürəyində dərin minnətdarlıq hissi doğurur. Gördüyünüz işlərin nəticəsində, biz bir daha inandıq ki, sizin kimi peşəkar və vicdanlı insanlar hüquq mühafizə orqanlarında çalışır. Bu çətin və təhlükəli işdə Sizə uğurlar arzulayır, gələcək fəaliyyətinizdə də belə uğurların davamını diləyirik”.