Astara rayon sakini Məmməd Kərimov öz təşəkkür məktubunda şəhid ailələrinə göstərilən diqqət və qayğıya, vətəndaş müraciətlərinə operativ və obyektiv şəkildə baxılmasının təmin edilməsinə, cinayətkarlıqla mübarizədə atılan qətiyyətli addımlara görə Astara Rayon Polis Şöbəsinin rəhbərliyinə minnətdarlığını bildirir.

Masallı rayon Ərkivan qəsəbəsində yaşayan Şakir Həsənov və digər bir neçə nəfər sakin DİN rəhbərliyinə ünvanladıqları təşəkkür məktubunda rayon ərazisində ictimai asayişin etibarlı şəkildə qorunmasına və bir sıra aktual məsələlərlə bağlı əhali arasında keçirilən maarifləndirici görüşlərə görə Masallı RPŞ-nin rəhbərliyinə minnətdarlıqlarını bildirirlər.

Lənkəran rayon sakini Əli Əliyev öz təşəkkür məktubunda ödəmə terminalının qarşısında pul göndərmək üçün kömək istədiyi şəxs tərəfindən pulunun oğurlanması ilə bağlı müraciətinə Lənkəran ŞRPŞ-də çevik reaksiya verilməsinə və həmin əməli törədən şəxsin qısa zamanda müəyyən olunmasına, dəymiş maddi ziyanın ödənilməsinə görə minnətdarlığını bildirir.

Astara rayon sakini Aqil Məmmədzadə öz təşəkkür məktubunda müraciətinin rayon polis şöbəsində obyektiv şəkildə araşdırılmasına və ona dəymiş maddi ziyanın ödənilməsinin təmin edilməsinə görə şöbənin rəhbərliyinə və bütün kollektivinə minnətdarlığını ifadə edir.

Quba rayon sakini Aylin Novruzova DİN rəhbərliyinə ünvanladığı təşəkkür məktubunda ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Razim Qarayev üzləşdiyi problemlə bağlı etdiyi müraciətinin obyektiv araşdırılmasına, müsbət həll edilməsinə görə Xətai RPİ-nin rəhbərliyinə və əməkdaşlarına minnətdarlığını bildirir.

Quba rayon sakini  Malik Əliyev dələduzluğa məruz qalması ilə bağlı etdiyi müraciətinə həssaslıqla yanaşılmasına və ona dəymiş ziyanın tam ödətdirilməsinə görə DİN rəhbərliyinə və Quba  RPŞ-nin əməkdaşlarına minnətdarlığını bildirir.

Xaçmaz rayon sakini Rəşad Mirzəyev dələduzluğa məruz qalması ilə bağlı etdiyi müraciətinə həssaslıqla yanaşılmasına, eləcə də  müsbət həll edilməsinə görə DİN rəhbərliyinə və Bakı şəhər BPİ-nin əməkdaşlarına minnətdarlığını bildirir.

Bakı şəhər sakini Sarvan Alıyev üzləşdiyi problemlə bağlı etdiyi müraciətinin obyektiv araşdırılmasına, müsbət həll edilməsinə görə Xəzər RPİ-nin rəhbərliyinə və əməkdaşlarına minnətdarlığını bildirir.