Bakı şəhər sakini Cəbrayıl Məmmədov DİN-ə ünvanladığı məktubunda Baş Dövlət Yol Polisi İdarəsinin əməkdaşları tərəfindən qazilərə, o cümlədən ona yüksək diqqət və qayğı göstərildiyini qeyd edərək təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Pünhanə Nəbiyeva Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Bakı şəhər sakini Yeganə Nəzərova DİN-in “Instagram” səhifəsinə təşəkkür mesajı yazıb: “Mən səhvən tanımadığım şəxsin kartına pul göndərmişdim. Bununla bağlı Daxili İşlər Nazirliyinə onlayn müraciət ünvanlamışdım. Müraciətimlə əlaqədar polis əməkdaşları mənimlə əlaqə saxladı, qısa müddətdə mənə dəymiş ziyan özümə qaytarıldı. Operativ reaksiyaya görə Azərbaycan polisinə səmimi qəlbdən təşəkkür edirəm!”.

Bakı şəhər sakini Elmar Umarov DİN-in “Instagram” səhifəsinə təşəkkür mesajı yazıb: “Yasamal Rayon Polis İdarəsinin əməkdaşlarına öz minnətdarlığımı bildirirəm. Belə ki, mənə qarşı edilmiş dələduzluqla bağlı müraciətim müsbət həllini tapdı. Mənə dəymiş ziyan tam ödənildi. Sağ olsun, Azərbaycan polisi!”.

Bakı şəhər sakini Orxan Eyvazov DİN-in “Instagram” səhifəsinə təşəkkür mesajı yazıb: “Pirallahı rayonu ərazisində üzləşdiyimiz yol-nəqliyyat hadisəsi zamanı göstərdikləri köməkliyə görə Pirallahı Rayon Polis İdarəsinin Dövlət Yol Polisi Şöbəsinin əməkdaşlarına minnətdarlığımı bildirirəm”. 

Mingəçevir şəhər sakini Natiq Yunusov məktubunda üzləşdiyi dələduzluq faktı ilə bağlı Daxili İşlər Nazirliyinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Elşən Zairov DİN-in “Instagram” səhifəsinə təşəkkür mesajı yazıb: “Nərimanov Rayon Polis İdarəsinin 18-ci Polis Şöbəsinə müraciət etdim. Problemim həll olundu. Dəymiş zərər ödənildi. Çox təşəkkür edirəm. Azərbaycan polisi ilə qürur duyuram”.

Bakı şəhər sakini Elşad Çobanlı DİN-in “Facebook” səhifəsinə təşəkkür mesajı yazıb: “Yazdığım şikayət ərizəsi əsasında Yasamal Rayon Polis İdarəsinin 27-ci Polis Bölməsində məsələ obyektiv şəkildə araşdırıldı, qanunvericiliyə uyğun olaraq tədbir görüldü. Şikayətim tam təmin edildi. DİN rəhbərliyinə və Azərbaycan Polisinə təşəkkürümü bildirirəm”.

Biləsuvar rayon idman məşqçiləri, idmançıları və idman cəmiyyəti tərəfindən Daxili İşlər Nazirliyinə ünvanlanan təşəkkür məktubunda polis əməkdaşlarının gecəli gündüzlü xidməti, ayıq-sayıqlığı sayəsində rayonda asayişin etibarlı qorunması və təhlükəsizliyin yüksək səviyyədə təmin edilməsi, həmçinin gənc nəslin təlim-tərbiyəsi, onların sağlam ruhda böyüməsi istiqamətində mühüm işlərin görüldüyü qeyd olunaraq DİN rəhbərliyinə və Biləsuvar Rayon Polis Şöbəsinin şəxsi heyətinə təşəkkürünü bildirir.