Neftçala rayon sakini Malik Rəcəbov DİN-ə ünvanladığı təşəkkür məktubunda şəhid və qazi ailələrinə göstərdikləri diqqət və qayğıya görə başda DİN rəhbərliyi olmaqla, Neftçala RPŞ-nin rəhbərliyinə və əməkdaşlarına minnətdarlığını bildirir.

Sosial şəbəkə istifadəçisi Cavidan Ağazadə Bakı şəhər sakini Xəzər Nəcəfov məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN rəhbərliyinə minnətdarlığını ifadə edir.

Bakı şəhər sakini Aygün Xəlilova məktubunda müraciətinə obyektiv baxılaraq həyata keçirilən operativ tədbirlərə görə Suraxanı RPİ-nin 33-cü Polis Bölməsinin əməkdaşlarına təşəkkürünü bildirir. 

Vətəndaş Vidadi Babayev məktubunda müraciətinə çevik reaksiya verilməsinə və aparılan obyektiv araşdırmalara görə Abşeron Rayon Polis İdarəsinin əməkdaşlarına təşəkkürünü bildirir. 

Naxçıvan şəhər sakini, Naxçıvan Universitetinin kafedra müdiri Mehman Şabanov Daxili İşlər Nazirliyinə təşəkkür məktubu ünvanlayıb. O, Naxçıvan MR DİN-ə etdiyi müraciəti ilə əlaqədar obyektiv araşdırma aparılaraq qısa müddətdə müsbət həll olunduğunu bildirir. 
M.Şabanov vətəndaş müraciətlərinə, o cümlədən onun müraciətinə həssas yanaşılmasına, obyektivliyə və operativliyə görə Azərbaycan Respublikası və Naxçıvan MR DİN-in rəhbərliyinə minnətdarlığını bildirir, çətin və şərəfli xidmətlərində uğurlar arzulayır. 

Sosial şəbəkə istifadəçisi Pənah Novruzov DİN-in “Instagram” səhifəsinə təşəkkür mesajı yazıb. O, polis əməkdaşlarının humanistliyinə və xoş rəftarına, həmçinin vətəndaşlara, xüsusilə veteranlara göstərdikləri diqqət və qayğıya görə Pirallahı Rayon Polis İdarəsinin əməkdaşlarına təşəkkürünü bildirir.

Abşeron rayon sakini Şirmayə Xəlilova məktubunda üzləşdiyi problemlə bağlı müraciətinə çevik reaksiya verilərək həyata keçirilən tədbirlərə görə Abşeron Rayon Polis İdarəsinin əməkdaşlarına təşəkkürünü bildirir.

Vəkil Faiq Nağıyev DİN-in “Instagram” səhifəsinə təşəkkür mesajı yazıb. O, müraciətinə operativ baxılaraq qısa müddətdə müsbət həll olunmasına görə DİN rəhbərliyinə təşəkkürünü bildirir.

Vətəndaş Ramil İbrahimli oğurluq faktı ilə bağlı DİN-in sosial şəbəkə səhifəsinə yazdığı müraciətinə operativ reaksiya verilməsinə, Yasamal Rayon Polis İdarəsində aparılan obyektiv araşdırmalara və həyata keçirilən tədbirlərə görə DİN rəhbərliyinə təşəkkürünü bildirir.