Vətəndaş Nailə Babazadə üzləşdiyi dələduzluqla bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də dəymiş maddi ziyanın ödətdirilməsində ona göstərdikləri köməkliyə görə Nərimanov RPİ 16-cı Polis Şöbəsinin əməkdaşlarına minnətdarlığını yazır.

Vətən müharibəsi iştirakçısı Elvin Abbasov şəhid və qazi övladlarına göstərilən diqqətə, eləcə də maddi-mənəvi dəstəyə görə ailəsinin adından DİN rəhbərliyinə təşəkkürünü bildirir.

Bakı şəhər sakini Vüqar Musazadə üzləşdiyi problemlə bağlı etdiyi müraciətinin müsbət həll olunmasında göstərdikləri köməkliyə görə DİN rəhbərliyinə və Xətai RPİ 36-cı Polis Bölməsinin əməkdaşlarına minnətdarlığını ifadə edir.

Vətən müharibəsi şəhidi Ramin Hüseynovun həyat yoldaşı Lalə Aibova daxili işlər orqanları əməkdaşlarının şəhid ailələrinə, müharibə veteranlarına, qazilərə göstərdikləri həssas münasibətə, eyni zamanda diqqət və qayğıya görə DİN rəhbərliyinə təşəkkürünü yazır.

Sosial şəbəkə istifadəçisi Aysu Həşimova pozulmuş hüquqlarının bərpa olunmasında göstərdikləri köməkliyə görə Naxçıvan MR DİN-in Naxçıvan Şəhər Polis İdarəsinin şəxsi heyətinə minnətdarlığını bildirir.

Gəncə şəhər sakini Elnurə Əliyeva Daxili İşlər Nazirliyinə ünvanladığı teleqramda müraciəti ilə əlaqədar Nəqliyyatda Baş Polis İdarəsində qəbul edildiyinə və ətraflı izah verildiyinə görə DİN rəhbərliyinə minnətdarlığını bildirir.

Bakı şəhər sakini Zakir Əliyev DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi zamanı polis əməkdaşları tərəfindən ona göstərilən köməkliyə, diqqət və qayğıya görə DİN rəhbərliyinə və Nərimanov RPİ-nin Təhqiqat şöbəsinin əməkdaşlarına təşəkkürünü bildirir.

Bakı şəhər sakini Asif Abdullayev Daxili İşlər Nazirliyinə ünvanladığı məktubunda övladına məxsus mobil telefonunun oğurlanması ilə bağlı müraciətinə çevik reaksiya verildiyinə, polis əməkdaşlarının operativliyi sayəsində qısa müddətdə telefonunun tapılaraq onlara qaytarıldığına görə DİN rəhbərliyinə və Bakı şəhər Baş Polis İdarəsinin Cinayət Axtarışı İdarəsinin əməkdaşlarına minnətdarlığını bildirir.

Şəhid atası, Ağstafa rayon sakini Elşən Tanırverdiyev Daxili İşlər Nazirliyinə ünvanladığı məktubunda müraciətinə Ağstafa Rayon Polis Şöbəsində operativ baxıldığına və müvafiq araşdırmalara başlanıldığına, habelə şəhid ailəsi kimi onlara göstərilən yüksək diqqət və qayğıya görə DİN rəhbərliyinə təşəkkürünü bildirir.