Vətəndaş İlahə Babayeva DİN-in sosial şəbəkə səhifəsinə mesajında pulqabısını itirməsilə bağlı polisə müraciət etdiyini yazır. O, Nərimanov Rayon Polis İdarəsi əməkdaşlarının operativliyi nəticəsində qısa müddətdə pulqabısının tapılaraq ona təhvil verildiyini qeyd edir, müraciətinə həssas yanaşılmasına görə Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş Toğrul Əliyev DİN-in sosial şəbəkə səhifəsinə yazdığı mesajında Pirallahı qəsəbəsi ərazisində Yol Patrul Xidmətinin əməkdaşları tərəfindən ona köməklik göstərildiyini qeyd edir, humanistliyə, vətəndaşlara göstərilən diqqət və qayğıya görə Pirallahı Rayon Polis İdarəsinin əməkdaşlarına minnətdarlığını bildirir.  

Vətəndaş Natiq Teymurov DİN-in sosial şəbəkə səhifəsinə yazdığı mesajında mobil telefonlarını itirməsilə bağlı polisə müraciət etdiyini, Səbail RPİ 41-ci Polis Bölməsi əməkdaşlarının operativliyi sayəsində qısa müddətdə telefonlarının tapılaraq ona təhvil verildiyini qeyd edir. O, müraciətinə həssas yanaşılmasına və operativliyə görə Səbail RPİ-nin və 41-ci Polis Bölməsinin əməkdaşlarına təşəkkürünü bildirir. 

Vətəndaş Aqil Ağayev DİN-in sosial şəbəkə səhifəsinə mesajında Nərimanov Rayon Polis İdarəsində aparılan araşdırmanın nəticəsindən razı qaldığını yazır. O, hüquq və vəzifələrinin izah olunmaqla məsələnin müsbət həll olunmasına görə Nərimanov Rayon Polis İdarəsinin əməkdaşlarına təşəkkürünü bildirir. 

Vətəndaş  Marina Sitnikova DİN-in sosial şəbəkə səhifəsinə yazdığı mesajında evindən oğurluqla bağlı müraciətinə çevik reaksiya verildiyini, Pirallahı Rayon Polis İdarəsinin əməkdaşları tərəfindən keçirilən tədbirlərlə müraciətinin qısa müddətdə müsbət həll olunduğunu qeyd edir. O, operativliyə görə Pirallahı Rayon Polis İdarəsinin əməkdaşlarına təşəkkürünü bildirir. 

Lerik rayon sakini Əliheydər Muradov məktubunda rayon ərazisində ictimai asayişin etibarlı qorunmasına və cinayətkarlığa qarşı aparılan qətiyyətli mübarizə tədbirlərinə görə DİN rəhbərliyinə təşəkkürünü bildirir. 

Bakı şəhər sakini Ramiz Qafarov teleqramında müraciətinə çevik reaksiya verilməsinə, polis əməkdaşları tərəfindən həyata keçirilən tədbirlərə və dəymiş maddi ziyanın ödətdirilməsində göstərilən köməkliyə görə DİN rəhbərliyinə və Azərbaycan polisinə təşəkkürünü bildirir.   

Sumqayıt şəhər sakini Hilal Hüseynov məktubunda müraciətinə çevik reaksiya verilməsinə, obyektiv araşdırma aparılaraq müsbət həll olunmasına görə DİN rəhbərliyinə təşəkkürünü bildirir. 

Bakı şəhər sakini Elçin Quliyev məktubunda müraciəti ilə əlaqədar Nəsimi Rayon Polis İdarəsində obyektiv araşdırma aparıldığını qeyd edir. O, müraciətinin qısa müddətdə müsbət həll olunmasına və dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir.