Dövlət Gömrük Komitəsinin Beynəlxalq Əməkdaşlıq İdarəsinin rəisi polkovnik Vüqar Həmidli DİN-in “Instagram” səhifəsinə ünvanladığı mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir. 

Vətəndaş Süleyman Tarverdiyev DİN-in “Instagram” səhifəsinə təşəkkür mesajı ünvanlayıb: “Mən Naxçıvan Şəhər Polis İdarəsinə müraciət etmişdim. Müraciətimə dərhal və diqqətlə baxıldığına görə DİN-in rəhbərliyinə və Naxçıvan Şəhər Polis İdarəsinin əməkdaşlarına səmimi təşəkkürümü bildirirəm. Peşəkar və operativ xidmətlərinə görə Azərbaycan polisinə uğurlar arzulayıram. Yaşasın, Azərbaycan polisi!”.

Vətəndaş Həmidə İsmayılova DİN-in “Instagram” səhifəsinə təşəkkür mesajı yazıb. O, mesajında baş vermiş oğurluq hadisəsi ilə bağlı “102” Xidməti-Zəng Mərkəzinə müraciət etdikdən sonra Nərimanov RPİ-nin 17-ci Polis Şöbəsinin əməkdaşları tərəfindən qısa müddətdə məsələnin həll olunduğunu yazır. H.İsmayılova müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və 17-ci Polis Şöbəsinin əməkdaşlarına təşəkkürünü bildirir. 

Vətəndaş Afiq Mansurov DİN-in “Instagram” səhifəsinə təşəkkür mesajı ünvanlayıb: “13.01.2026-cı il tarixində paytaxtın Nərimanov rayonu ərazisində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və araşdırmadan razı qaldım. Buna görə DİN-in rəhbərliyinə və Nərimanov RPİ-nin əməkdaşlarına dərin minnətdarlığımı bildirirəm”. 

Vətəndaş Nicat İsmayılov DİN-in “Instagram” səhifəsinə təşəkkür mesajı ünvanlayıb: “10.02.2026-cı il tarixində Naxçıvan Şəhər Polis İdarəsinə ərizə ilə müraciət etmişdim. Naxçıvan ŞPİ-nin əməkdaşları tərəfindən mənim işimə düzgün şəkildə baxıldığına görə DİN-in rəhbərliyinə və Naxçıvan Şəhər Polis İdarəsinin əməkdaşlarına təşəkkürümü bildirirəm”.

Vətəndaş Emil Mehtiyev DİN-in “Instagram” səhifəsinə təşəkkür mesajı ünvanlayıb: “Oğurluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN-in və Nəsimi RPİ-nin rəhbərliyinə, həmçinin bu işdə əməyi olan polis əməkdaşlarına dərin təşəkkürümü bildirirəm”.

Vətəndaş Elvin Nəbiyev DİN-in “Instagram” səhifəsinə təşəkkür mesajı ünvanlayıb: “Paytaxtın Xətai rayonu 8 noyabr prospektində baş vermiş yol-nəqliyyat hadisəsinin iştirakçısı olmuşam. Hadisə ilə bağlı Xətai Rayon Polis İdarəsinin Təhqiqat Şöbəsində araşdırma aparılaraq obyektiv qərar qəbul edildi. DİN-in və Xətai RPİ-nin rəhbərliyinə dərin minnətdarlığımı bildirirəm”.

Paralimpiyaçı Vüsalə Babazadə DİN-in “Instagram” səhifəsinə təşəkkür mesajı ünvanlayıb: “Mənə qarşı dələduzluq edilmişdi. Nərimanov Rayon Polis İdarəsinə müraciət etdim. Operativ şəkildə mənim müraciətimə baxıldı. Mənə qarşı dələduzluq edən şəxs müəyyən olundu və mənə dəyən maddi ziyan tam şəkildə ödətdirildi. Bununla əlaqədar DİN-in və Nərimanov RPİ-nin rəhbərliyinə dərin təşəkkürümü bildirirəm”.

Bakı şəhər sakini Süleyman Quliyev Daxili İşlər Nazirliyinə yazdığı təşəkkür məktubunda üzləşdiyi dələduzluq faktı ilə bağlı “102” Xidməti-Zəng Mərkəzinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir.