Vətəndaş və Polis
Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.
Təşəkkür məktubları
31.03.2026 - Vətəndaş Əsnad Kərimova
Vətəndaş Əsnad Kərimova DİN-in “Instagram” səhifəsinə təşəkkür mesajı ünvanlayıb: “Şikayət ərizəm əsasında Nərimanov Rayon Polis İdarəsinin İstintaq Şöbəsində mənə dəymiş ziyan tamamilə ödətdirildi. Bu səbəbdən DİN-in və Nərimanov Rayon Polis İdarəsinin rəhbərliyinə, həmçinin əməkdaşlarına təşəkkür edirəm”.
31.03.2026 - Masallı rayon sakini Şahin Həsənov
Masallı rayon sakini Şahin Həsənov yaşadığı ərazidə yol hərəkəti təhlükəsizliyinin etibarlı təmin olunması istiqamətində görülən tədbirlərə görə Baş Dövlət Yol Polisi İdarəsinin və Masallı Rayon Polis Şöbəsinin əməkdaşlarına təşəkkürünü bildirir.
31.03.2026 - Biləsuvar rayon sakini Seylan Qarayeva
Biləsuvar rayon sakini Seylan Qarayeva DİN-ə ünvaladığı məktubunda ictimai asayişin etibarlı qorunmasına, vətəndaş müraciətlərinə operativ baxılmasına və həssaslıqla yanaşılmasına, humanistliyə görə DİN-in və Biləsuvar Rayon Polis Şöbəsinin rəhbərliyinə təşəkkürünü bildirir.
31.03.2026 - Biləsuvar rayon sakini Bayram Bayramov
Biləsuvar rayon sakini Bayram Bayramov öz məktubunda xidməti vəzifələrinin və peşə fəaliyyətinin öhdəsindən layiqincə gəldiyinə, şəhid ailələrinə göstərilən diqqətə və qayğıya görə DİN-in və Biləsuvar Rayon Polis Şöbəsinin rəhbərliyinə təşəkkürünü bildirir.
31.03.2026 - Cəlilabad rayon sakini Laçın Abdullayev
Cəlilabad rayon sakini Laçın Abdullayev yol hərəkəti təhlükəsizliyinin etibarlı təmin olunması istiqamətində görülən tədbirlərə, baş verən yol nəqliyyat hadisələrinin obyektiv və hərtərəfli araşdırılmasına görə Rayon Polis Şöbəsinin Dövlət Yol Polisi Bölməsinin əməkdaşlarına təşəkkürünü bildirir.
31.03.2026 - Cəlilabad rayon sakini Aynur Əliyeva
Cəlilabad rayon sakini Aynur Əliyeva öz məktubunda müraciətinə çevik reaksiya verilməsinə, lazım olan köməyin göstərilməsinə və məsələnin müsbət həllini tapmasına görə Daxili İşlər Nazirliyinin əməkdaşlarına təşəkkürünü bildirir.
20.03.2026 - Vətəndaş Əli Rzayev
Vətəndaş Əli Rzayev DİN-in “İnstagram” səhifəsinə təşəkkür mesajı ünvanlayıb: Mən Rzayev Əli Novruz oğlu, 25.02.2026-cı il tarixində idarə etdiyim, atama məxsus Hyundai Sonata markalı avtomobillə Nərimanov rayonu, Əliyar Əliyev küçəsində yol-nəqliyyat hadisəsi ilə üzləşmişəm. Hadisə yerinə Nərimanov Rayon Polis İdarəsinin Təhqiqat Şöbəsinin əməkdaşları yaxınlaşaraq mənə yaxından köməklik göstərdilər. Başda cənab Nazir Vilayət Eyvazov olmaqla bütün polis əməkdaşlarına təşəkkür edirəm.
20.03.2026 - Vətəndaş Mehriban Muradova
Vətəndaş Mehriban Muradova DİN-in “İnstagram” səhifəsinə təşəkkür mesajı ünvanlayıb: Mən Muradova Mehriban Qasım qızı 34-cü polis şöbəsinə müraciət etmişdim. Müraciətimə dərhal operativ şəkildə reaksiya verildi və mənə köməklik göstərildi. Buna görə Cənab Nazirə və Xətai RP-nin rəhbərliyinə öz dərin təşəkkürümü bildirirəm. Yaşasın Azərbaycan polisi.
20.03.2026 - Vətəndaş Fidan Rzayeva
Vətəndaş Fidan Rzayeva DİN-in “İnstagram” səhifəsinə təşəkkür mesajı ünvanlayıb: Mən Rzayeva Fidan Pərviz qızı. Nərimanov Rayon Polis İdarəsinin 17-ci polis şöbəsinə ərizə ilə müraciət etmişdim. Qısa müddət ərzində işimizə baxıldığına görə Daxili İşlər Nazirliyinə və Nərimanov rayon polis rəhbərliyinə öz təşəkkürümü bildirirəm.
