Sosial şəbəkə istifadəçisi Vüsal Bağırov etdiyi müraciətinə həssaslıqla yanaşılaraq əmək haqqının ödətdirilməsinin təmin edilməsinə görə Nərimanov Rayon Polis İdarəsinin 18-ci Polis Şöbəsinin əməkdaşlarına minnətdarlığını bildirir.

Sosial şəbəkə istifadəçisi Uğur Məmmədov qanunsuz küçə ticarəti ilə bağlı etdiyi müraciətinə operativ baxılaraq qanunamüvafiq tədbirlərin görülməsinə görə Xətai Rayon Polis İdarəsinin 36-cı Polis Şöbəsinin rəhbərliyinə təşəkkür edir.

Sosial şəbəkə istifadəçisi Aqşin Hümbətov xəsarət alması ilə nəticələnən yol-nəqliyyat hadisəsi zamanı ona göstərdikləri diqqət və qayğıya görə Xətai Rayon Polis İdarəsinin Təhqiqat Şöbəsinin əməkdaşlarına minnətdarlığını bildirir.

Vətəndaş Anar Qocalı DİN-in “Instagram” səhifəsinə təşəkkür mesajı ünvanlayıb: “Səbail Rayon Polis İdarəsinin 39-cu Polis Bölməsinin əməkdaşlarına öz dərin minnətdarlığımı bildirirəm. Qısa müddət ərzində mənə məxsus çantadan götürülmüş əşyalar tapılaraq mənə təhvil verildi. Göstərilən diqqət və operativliyə görə Azərbaycan polisinə minnətdaram”. 

Vətəndaş Kamran İbrahimov DİN-in “Instagram” səhifəsinə təşəkkür mesajı ünvanlayıb: “Səhvən başqa karta pul köçürməyimlə bağlı müraciət etmişdim. Qeyd olunan məsələ ilə bağlı Sabunçu Rayon Polis İdarəsinin 15-ci Polis Şöbəsinə dəvət olundum. Məsələ öz həllini tapdı, mənə dəymiş ziyan ödənildi. Sabunçu Rayon Polis İdarəsinə təşəkkür edirəm”.

Vətəndaş Günay Sultanova DİN-in “Instagram” səhifəsinə təşəkkür mesajı ünvanlayıb: “Nəsimi Rayon Polis İdarəsinin 20-ci Polis Şöbəsinə ərizə ilə müraciət edərək mobil telefonumun oğurlanması barədə məlumat vermişdim. Aparılan təhqiqat araşdırması zamanı 20-ci Polis Şöbəsi əməkdaşları tərəfindən tədbir görülərək telefonum tapılaraq mənə qaytarıldı, oğurluq etmiş şəxs məsuliyyətə cəlb olundu. Buna görə DİN-in rəhbərliyinə və Nəsimi Rayon Polis İdarəsinin əməkdaşlarına dərin təşəkkürümü bildirirəm”.

Vətəndaş Süleyman Həsənov DİN-in “Instagram” səhifəsinə təşəkkür mesajı ünvanlayıb: “Xətai Rayon Polis İdarəsinin 36-cı Polis Şöbəsinə binanın qarşısında qanunsuz parklanma xidməti göstərilməsi ilə bağlı müraciət etdim. Müraciətimə dərhal baxıldı və qanunsuz fəaliyyət göstərən şəxs barəsində qanuni tədbir görüldü. DİN-in və Xətai Rayon Polis İdarəsinin rəhbərliyinə təşəkkürümü bildirirəm”.

Vətəndaş Məhəmmədəli Şərifov DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, verilən müvafiq göstəriş əsasında qısa müddətdə müsbət həllinə görə DİN-in rəhbərliyinə və Azərbaycan polisinə təşəkkürünü bildirir.

Vətəndaş Firuzə Qurbanova Daxili İşlər Nazirliyinə ünvanladığı məktubunda vətəndaş müraciətlərinə həssaslıqla yanaşılmasına, yüksək peşəkarlıqla keçirilmiş operativ tədbirlərlə köməyə ehtiyacı olan vətəndaşın probleminin həll olunmasına və təhlükəsizliyinin təmin edilməsinə görə DİN-in rəhbərliyinə, həmçinin Nərimanov Rayon Polis İdarəsinin 17-ci Polis Şöbəsinin və Astara Rayon Polis Şöbəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.