Qaradağ rayon sakini Emil Ocaqquliyev məktubunda rayon ərazisində asayişin etibarlı qorunmasında, hüquqazidd əməllərin qarşısının alınmasında xidməti vəzifələrini layiqincə yerinə yetirdiyinə görə polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Sosial şəbəkə istifadəçisi Ceyhun Camalov DİN-in “Instagram” səhifəsinə ünvanladığı mesajda üzləşdiyi problemlə bağlı müraciətinə operativ reaksiya verilməsinə və həyata keçirilən tədbirlərə görə Nizami RPİ-nin 23-cü Polis Bölməsinin əməkdaşlarına təşəkkürünü bildirir.

Sosial şəbəkə istifadəçisi Elnur Zeynalov DİN-in “Instagram” səhifəsinə ünvanladığı mesajda üzləşdiyi problemlə bağlı müraciətinə çevik reaksiya verilərək müsbət həll olunmasına və  dəymiş ziyanın tam ödətdirilməsində göstərdikləri köməkliyə görə Yasamal RPİ-nin 26-cı Polis Bölməsinin əməkdaşlarına təşəkkürünü bildirir.

Xaçmaz rayon sakini Səfər Mürsəliyev DİN rəhbərliyinə ünvanladığı təşəkkür məktubunda xidməti vəzifələrini, eləcə də peşə fəaliyyətini layiqincə yerinə yetirdiklərinə görə Xaçmaz RQİ və TBŞ-nin rəhbərliyinə, kollektivinə minnətdarlığını bildirir. 

Quba rayon sakini Rüstəm Həmidov etdiyi müraciətinə həssaslıqla yanaşılmasına və ona dəymiş zərərin ödənilməsinin təmin edilməsinə görə DİN rəhbərliyinə və Quba RPŞ-nin  əməkdaşlarına minnətdarlığını bildirir.

Bakı şəhər sakini  Zaur İbrahimov  Quba rayonunun ucqar hissəsində meşəlik ərazidə avtomobilinin palçığa batıb köməksiz vəziyyətdə qaldığı zaman ona göstərilən köməkliyə  görə Quba RPŞ-nin Qonaqkən PB-nin əməkdaşlarına minnətdarlığını bildirir.

Quba  rayon sakini Kənan Məmmədov daxili işlər naziri tərəfindən  Quba Rayon Polis Şöbəsində keçirilən vətəndaş qəbulunda  etdiyi müraciətinə həssaslıqla yanaşılmasına, eləcə də işlə təmin olunmasına köməklik göstərilməsinə görə DİN rəhbərliyinə və Quba RPŞ-nin əməkdaşlarına minnətdarlığını bildirir. 

Quba  rayon sakini  Ramil Fətullayev  kart hesabından pulunun ələ keçirilməsi ilə bağlı etdiyi müraciətinin müsbət həll olunmasına görə DİN rəhbərliyinə və Quba  RPŞ-nin əməkdaşlarına minnətdarlığını bildirir.

Quba rayon sakini  Şaiq Babayev etdiyi müraciətinə həssaslıqla yanaşılıb şikayətinin təmin edilməsinə və pulunun geri qaytarılmasına görə DİN rəhbərliyinə və Quba RPŞ-nin əməkdaşlarına minnətdarlığını bildirir.