Bakı şəhər sakini Hikmət Fərhadlı DİN-in “Instagram” səhifəsinə təşəkkür mesajı ünvanlayıb: “09.04.2026-cı il tarixində Bakı şəhəri, Nərimanov rayonu, Z.Bünyadov prospektində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etmişəm. Araşdırma zamanı mənə hüquqlarım izah olundu və proses obyektiv şəkildə həyata keçirildi. Araşdırmadan razı qaldım. Bu səbəbdən DİN-in rəhbərliyinə və Nərimanov Rayon Polis İdarəsinin əməkdaşlarına dərin minnətdarlığımı bildirirəm”.

Vətəndaş Nazpəri Məsimova DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, Xətai RPİ-nin 35-ci Polis Bölməsinin əməkdaşları tərəfindən qısa müddətdə məsələnin araşdırıldığını yazır. O, müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və Xətai RPİ-nin 35-ci Polis Bölməsinin əməkdaşlarına təşəkkürünü bildirir. 

Əcnəbi vətəndaş Ajero Emeka DİN-in “Instagram” səhifəsinə təşəkkür mesajı yazıb. O, Bakıda qonaq olarkən üzləşdiyi problemlə bağlı 39-cu Polis Bölməsinə müraciət etdiyini bildirir. 
A.Emeka müraciətinə həssas yanaşılmasına, göstərilən diqqətə və görülmüş tədbirlərlə probleminin qısa müddətdə aradan qaldırılmasına görə Səbail RPİ-nin 39-cu Polis Bölməsinə təşəkkürünü bildirir.

Vətəndaş Natiq Məmmədov DİN-in “Instagram” səhifəsinə yazdığı mesajında üzləşdiyi problemlə bağlı polisə müraciət etdiyini, məsələnin qısa müddətdə araşdırıldığını, müraciətinə diqqətlə yanaşılmasına və keçirilən operativ tədbirlərə görə Pirallahı Rayon Polis İdarəsinin əməkdaşlarına minnətdarlığını ifadə edir. 

Vətəndaş Məhəmməd İnsanov DİN-in “Instagram” səhifəsinə yazdığı mesajında üzləşdiyi problemlə bağlı müraciəti üzrə həyata keçirilən tədbirlərə və ona dəymiş maddi ziyanın ödətdirilməsinin təmin olunmasına görə Nəsimi RPİ 22-ci Polis Şöbəsinin əməkdaşlarına minnəttarlığını bildirir.

Vətəndaş Günay Şirinova DİN-in “Instagram” səhifəsinə yazdığı təşəkkür mesajında müraciətinə operativ baxılmasına və ona hüquqi izahın verilməsinə görə Xətai RPİ-nin 35-ci Polis Şöbəsinin əməkdaşlarına təşəkkürünü bildirir. 

Vətəndaş Lalə Yusifova DİN-in “Instagram” səhifəsinə təşəkkür mesajı yazıb. O, mobil telefonunu naməlum şəraitdə itməsi ilə bağlı polisə müraciət etdiyini, qısa zamanda polis əməkdaşlarının çevikliyi ilə əşyasının tapılaraq ona təhvil verilməsinə görə Bakı Şəhər Baş Polis İdarəsinin əməkdaşlarına təşəkkürünü bildirir.

Vətəndaş Vüsal Quliyev DİN-in “Instagram” səhifəsinə yazdığı təşəkkür mesajında müraciətinə operativ şəkildə baxıldığına və görülmüş tədbirlərlə probleminin qısa müddətdə aradan qaldırılmasına görə Nərimanov RPİ 17-ci Polis Şöbəsinin əməkdaşlarına təşəkkürünü bildirir.

Pirallahı rayonunda yerləşən 186 nömrəli məktəbin müəllimi Nərmin Mərifova DİN-in “Instagram” səhifəsinə təşəkkür mesajı yazıb. O, polis əməkdaşları tərəfindən rayon ərazisindəki məktəblərdə, o cümlədən qeyd olunan məktəbdə narkomaniya əleyhinə və kibertəhlükəsizliklə bağlı mütəmadi olaraq maarifləndirici tədbirlər keçirildiyini qeyd edir. Bu tədbirlərin təqdirəlayiq olduğunu, həmçinin uşaqların maarifləndirilməsində və məlumatlı olmasında böyük rolu olduğunu qeyd edən müəllim özü və məktəbin rəhbərliyi adından DİN rəhbərliyinə və Pirallahı Rayon Polis İdarəsinin əməkdaşlarına təşəkkürlərini bildirir.