Vətəndaş Cehun Quliyev müraciətinə operativ baxıldığına və qısa müddətdə müsbət həll edildiyinə görə, başda DİN rəhbərliyi olmaqla, Şahbuz RPŞ-nin əməkdaşlarına təşəkkür edir.

Vətəndaş Vüqar Ağayev məktubunda onun iştirakı ilə baş vermiş yol-nəqliyyat hadisəsinin obyektiv araşdırılmasına görə Bakı şəhər BPİ-nin əməkdaşlarına minnətdarlıq edir.

Vətəndaş Sona Niyazova məktubunda yazır ki, ağac kəsilməsi ilə bağlı polisə etdiyi müraciətə qısa müddət ərzində reaksiya verilib. O, müraciətini araşdırıb aidiyyəti üzrə tədbirlər görən Nəsimi RPİ-nin rəhbərliyinə və polis əməkdaşlarına təşəkkür edir.

Vətəndaş Ülviyyə Rəsulova məktubunda yazır ki, müraciətinə operativ baxılaraq problemi həll edilib. O, göstərilən diqqət və qayğıya görə DİN rəhbərliyinə minnətdarlığını ifadə edir, polis əməkdaşlarına xidmətlərində uğurlar arzulayır.

Vətəndaş Nurəddin Abışov ona dəymiş maddi ziyanın tam ödətdirilməsində göstərilən köməkliyə görə Binəqədi RPİ-nin 40-cı Polis Şöbəsinin əməkdaşlarına minnətdarlıq edir.

Vətəndaş İsmiyyət Kərimov müraciəti üzrə qısa müddətdə qanunauyğun tədbirlər görülərək ona dəymiş ziyanın ödətdirilməsini təmin etdiyinə görə Nəsimi RPİ-nin rəhbərliyinə və əməkdaşlarına təşəkkür edir.

Sosial şəbəkə istifadəçisi Elməddin Hüseynli Daxili İşlər Nazirliyinin insteqram hesabına yazdığı mesajda Naxçıvan hava nəqliyyatında itən yükünün polis tərəfindən qısa müddətdə tapılıb qaytarıldığı üçün DİN rəhbərliyinə və polis əməkdaşlarına təşəkkür edir.

Vətəndaş Vaqif Behbudov yazdığı məktubunda müraciətinə diqqət və qayğı ilə yanaşıldığına görə DİN rəhbərliyinə təşəkkürünü bildirir. 

Vətəndaş Elnarə İsmayılova Xətai Rayon Polis İdarəsinin 36-cı Polis Bölməsinin əməkdaşlarına müraciətinə operativ baxıldığı və problemin həll edildiyi üçün təşəkkür edir. O, yazır ki, dövlətin keşiyində duran Azərbaycan polisi qanunların aliliyini həmişə tam təmin edir.