Babək rayon sakini Gülməmməd Seyidov DİN-in “Instagram” səhifəsinə yazdığı mesajında nəqliyyat vasitəsi ilə bağlı polisə müraciət etdiyini, müraciətinə diqqətlə yanaşıldığına və keçirilən operativ tədbirlərə görə DİN rəhbərliyinə və Şahbuz Rayon Polis Şöbəsinin əməkdaşlarına təşəkkür edir. 

Sosial şəbəkə istifadəçisi Vüsalə Əliyeva təşəkkür mesajında oğlunun xəsarət alması ilə nəticələnən yol-nəqliyyat hadisəsi ilə bağlı göstərilən diqqətə və köməkliyə, eləcə də operativ tədbirlərə görə Nərimanov Rayon Polis İdarəsinin əməkdaşlarına minnətdarlığını ifadə edir.

Bakı şəhər sakini İlham Hümmətov təşəkkür məktubunda yazır ki, polisə etdiyi müraciəti üzrə məsələyə obyektiv və qanunauyğun baxılıb. Buna görə Yasamal Rayon Polis İdarəsinin İstintaq Şöbəsinin əməkdaşlarına təşəkkür edir.

Sosial şəbəkə istifadəçisi Rəşad Babayev DİN-in “Instagram” səhifəsinə yazdığı mesajında ona dəymiş maddi zərərin ödətdirilməsində göstərilən köməkliyə görə Nərimanov Rayon Polis İdarəsinin rəhbərliyinə minnətdarlıq edir.

Ucar rayon sakini Tahir Abdullayev DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, Ucar RPŞ-nin rəhbərliyinə və əməkdaşlarına minnətdarlığını bildirir.

Vətəndaş Səbinə Mehdiyeva DİN-in “Instagram” səhifəsinə yazdığı təşəkkür mesajında müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə Yasamal Rayon Polis İdarəsinin əməkdaşlarına minnətdarlığını bildirir.

Bakı şəhər sakini Fərid Əsgərov DİN-in “Instagram” səhifəsinə yazdığı mesajında iştirak etdiyi yol-nəqliyyat hadisəsi ilə bağlı polisə müraciət etdiyini, məsələnin qısa müddətdə araşdırıldığını, müraciətinə diqqətlə yanaşılmasına və keçirilən operativ tədbirlərə görə DİN rəhbərliyinə və Nərimanov Rayon Polis İdarəsinə minnətdarlığını ifadə edir.

Vətəndaş Elvin Yunusov DİN-in “Instagram” səhifəsinə yazdığı mesajında üzləşdiyi problemlə bağlı müraciət etdiyini, polis əməkdaşlarının müraciətinə operativ şəkildə baxdığını yazır. O, müraciətinə həssas yanaşılmasına, görülmüş tədbirlərlə probleminin qısa müddətdə aradan qaldırılmasına və ona dəymiş maddi ziyanın tam ödətdirilməsində göstərilən köməkliyə görə Nəsimi RPİ-nin 19-cu Polis Şöbəsinin əməkdaşlarına minnətdarlığını bildirir, çətin və şərəfli işlərində uğurlar arzulayır.

Bakı şəhər sakini Hüseyn Mənsim Daxili İşlər Nazirliyinə ünvanladığı məktubunda üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə Azərbaycan Polisinə təşəkkürünü bildirir, çətin və şərəfli xidmətlərində uğurlar arzulayır.