Vətəndaş Xəyyam Quliyev DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciətinə çevik reaksiya verilməsinə və həyata keçirilən tədbirlərə görə Pirallahı Rayon Polis İdarəsinin əməkdaşlarına təşəkkürünü bildirir.

Sabunçu rayon sakini Riad Hüseynəliyev məktubunda rayon ərazisində asayişin etibarlı qorunmasında, hüquqazidd əməllərin qarşısının alınmasında xidməti vəzifələrini layiqincə yerinə yetirdiyinə görə Sabunçu Rayon Polis İdarəsinin əməkdaşlarına təşəkkürünü bildirir.

Vətəndaş Fazil Xəlilov məktubunda göstərilən xoş rəftar və nəzakətli davranışlara görə Bakı ŞBPİ Dövlət Yol Polisi İdarəsinin əməkdaşlarına təşəkkürünü bildirir, polis əməkdaşlarına çətin və şərəfli işlərində uğurlar arzulayır.  

Bakı şəhər sakini Akif Cəfərov məktubunda üzləşdiyi problemlə bağlı müraciətinə operativ reaksiya verilməsinə və həyata keçirilən tədbirlərə görə Nərimanov RPİ DYPŞ-nin əməkdaşlarına təşəkkürünü bildirir.

İmişli rayon sakini, şəhid atası Rafik Musayev DİN-ə ünvanladığı təşəkkür məktubunda şəhid ailələrinə göstərdikləri diqqət və qayğıya, eləcə də xidməti vəzifələrini və peşə fəaliyyətini layiqincə yerinə yetirdiklərinə görə DİN rəhbərliyinə və İmişli RPŞ-nin əməkdaşlarına minnətdarlığını bildirir.

Vətəndaş Türkan Cəmilova üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir.

Ağstafa rayon sakini Əmrah Kərimov müraciəti ilə bağlı müvafiq polis şöbəsində yüksək hörmətlə qarşılandığını və müraciətinin müsbət həll olunduğunu qeyd edir. O, göstərilən diqqət və qayğıya görə DİN rəhbərliyinə və bütün polis əməkdaşlarına təşəkkürünü bildirir.

Gəncə şəhər sakini Araz Cabbarov DİN-ə ünvanladığı təşəkkür məktubunda Azərbaycan polisinin fəaliyyətindən razılığını ifadə edir, həmkarlarımıza çətin və məsuliyyətli xidmətlərində uğurlar arzulayır.

Vətəndaş Aynurə Qurbanova ünvanladığı məktubda müraciətinə həssas yanaşılmasına, aparılan obyektiv araşdırmalarla qısa müddətdə müsbət həll edilməsinə görə DİN rəhbərliyinə və Azərbaycan polisinə təşəkkürünü bildirir.