Bakı şəhər sakini Süleyman Abasov DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, Yasamal Rayon Polis İdarəsinə dəvət olunaraq hüquq və vəzifələrinin izah olunduğuna görə DİN rəhbərliyinə və Azərbaycan Polisinə təşəkkürünü bildirir. 

Abşeron rayon sakini Toğrul Kərimov müraciətinə həssas yanaşıldığına və göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Bakı şəhər sakini Günay Əliyeva məktubunda ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir.

Vətəndaş Aysel Xəlilova DİN-in “Instagram” səhifəsinə təşəkkür mesajı yazıb. O, tanışının üzləşdiyi yol-nəqliyyat hadisəsi zamanı göstərilən həssas yanaşmaya, xoş rəftar və nəzakətli davranışlara görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.

Bakı şəhər sakini Seyidağa Əsədov Daxili İşlər Nazirliyinə ünvanladığı məktubunda mobil telefonunun oğurlanması ilə bağlı Səbail Rayon Polis İdarəsinin 9-cu Polis Bölməsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və mobil telefonunun özünə qaytarıldığını qeyd edir. 
S.Əsədov müraciətinə dərhal reaksiya verildiyinə və həyata keçirilən operativ tədbirlərə görə DİN rəhbərliyinə və Səbail RPİ-nin əməkdaşlarına təşəkkürünü bildirir. 

Abşeron rayon sakini Fikrət Sərkarov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir.

Bakı şəhər sakini Sərvər Əmirov Daxili İşlər Nazirliyinə ünvanladığı məktubunda üzləşdiyi dələduzluq hadisəsi ilə bağlı Yasamal Rayon Polis İdarəsinə müraciət etdiyini bildirir. O, polis əməkdaşları tərəfindən keçirilən operativ tədbirlərlə qısa müddətdə bu cinayətin üstünün açıldığını və ona dəymiş maddi ziyanın tam ödətdirildiyini qeyd edir.  

Paytaxtın Nəsimi rayonu ərazisində yaşayan bir qrup sakin adından Daxili İşlər Nazirliyinə təşəkkür məktubu daxil olub. Sakinlər rayon ərazisində sosial-neqativ halların aradan qaldırılması ilə bağlı müraciətlərinə həssas yanaşılmasına və həyata keçirilən operativ tədbirlərə görə DİN rəhbərliyinə və Azərbaycan polisinə təşəkkürlərini bildirir, çətin və şərəfli xidmətlərində uğurlar arzulayır.

Paytaxtın Sabunçu rayonu, Bakıxanov qəsəbəsində yaşayan Vahid Məmmədov və bir qrup sakin adından Daxili İşlər Nazirliyinə təşəkkür məktubu daxil olub. Sakinlər rayon ərazisində ictimai asayişin və ictimai təhlükəsizliyin etibarlı təmin olunmasına, sosial neqativ halların aradan qaldırılmasına, cinayətkarlığa, o cümlədən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.