Sosial Şəbəkə istifadəçisi Təbriz Abdullazadə DİN-in “Instagram” səhifəsinə təşəkkür mesajı yazıb. O, operativliyə, gecəli-gündüzlü gərgin fəaliyyətə, cinayətkarlığa qarşı apardıqları qətiyyətli mübarizəyə görə öz adından polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Nailə Karalova adlı sosial şəbəkə istifadəçisi DİN-in “Instagram” səhifəsinə təşəkkür mesajı yazıb. O, özü və qonşularının üzləşdiyi təhlükəli vəziyyətlə bağlı müraciəti üzrə Sabunçu Rayon Polis İdarəsinin əməkdaşları tərəfindən dərhal və operativ tədbirlərin həyata keçiridlyini qeyd edir. 
N.Karalova müraciətinə həssas yanaşılmasına, göstərilən diqqətə, həyata keçirilən operativ tədbirlərə, onun və qonşularının narahatlığına son qoyularaq müraciətinin müsbət həll olunmasına görə DİN rəhbərliyinə, Sabunçu Rayon Polis İdarəsinin əməkdaşlarına, eyni zamanda Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır. 

Sumqayıt şəhər sakini Kamal Qurbanov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Vətəndaş Günel Abdullayeva DİN-in “Instagram” səhifəsinə təşəkkür mesajı yazıb. O, müraciəti üzrə Nərimanov RPİ-nin 18-ci Polis Şöbəsində obyektiv araşdırma aparıldığını və müvafiq tədbirlərin həyata keçirildiyini qeyd edir.  
G.Abdullayeva müraciətinə həssas yanaşılmasına və həyata keçirilən operativ tədbirlərə görə DİN rəhbərliyinə və Nərimanov RPİ-nin 18-ci Polis Şöbəsinin əməkdaşlarına təşəkkürünü bildirir.

Vətəndaş Nihal Hacıyev DİN-in “Instagram” səhifəsinə təşəkkür mesajı yazıb. O, Nərimanov rayonu ərazisində şahidi olduğu yol-nəqliyyat hadisəsi zamanı hadisə yerinə gələn polis əməkdaşlarının dərhal həmin şəxslərə müvafiq köməklik göstərdiklərini qeyd edir. 
N.Hacıyev humanistliyə və nəzakətli davranışlarına görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Nailə Abdullayeva DİN-in “Facebook” səhifəsinə təşəkkür mesajı yazıb. O, səhifə vasitəsilə anvanladığı müraciətinə çevik reaksiya verilməsinə, obyektiv araşdırma aparılaraq müsbət həll olunmasına görə DİN-in rəhbərliyinə minnətdarlığını ifadə edir.

“Xəzər Media Mərkəzi”ndən daxil olmuş məktubda cari ilin avqust ayında Azərbaycanın bir sıra şəhər və rayonlarında “Xəzər Media Mərkəzi”nin təşəbbüsü ilə keçirilmiş yay silsilə konsert proqramlarının yüksək səviyyədə təşkil olunması üçün göstərilən köməkliyə görə DİN-in rəhbərliyinə minnətdarlıq ifadə olunur, Azərbaycan polisinə çətin və şərəfli xidmətlərində uğurlar arzulanır.

Vətəndaş Elnarə Cabbarlı məktubunda üzləşdiyi problemlə bağlı müraciətinə operativ baxılmasına və ona dəymiş ziyanın ödətdirilməsinə göstərilən köməkliyə görə Yasamal Rayon Polis İdarəsinin əməkdaşlarına təşəkkürünü bildirir.

Bakı şəhər sakini Elnur Məmmədov məktubunda polis əməkdaşlarının humanistliyinə, xoş rəftarlarına və nəzakətli davranışlarına görə DİN rəhbərliyinə minnətdarlığını ifadə edir.