Vətəndaş Nigar Nəbiyeva DİN-in “Instagram” səhifəsinə təşəkkür mesajı ünvanlayıb: “Çox sağ olun. Metroda pul kisəmi itirmişdim. Polis əməkdaşları qısa müddətdə taparaq təhvil verdilər. Təşəkkür edirəm”.

Vətəndaş Elena Xanmətova DİN-in “Instagram” səhifəsinə təşəkkür mesajı ünvanlayıb: “Mən Rusiya Federasiyasında yaşayıram və Bakı şəhərində qonaq idim. Pulqabımı itirmişdim, içərisində sənədlərim və pul vəsaiti var idi. Düzünü desəm, pulqabımın tapılacağına inanmırdım. Çünki Rusiyada yaşadığım müddətdə belə bir hal ilə rastlaşmamış və eşitməmişdim. Lakin Nizami Rayon Polis İdarəsinin 24-cü Polis Şöbəsinin əməkdaşları bir saat ərzində pulqabımı sənədlər və pul ilə birlikdə tapdılar. Bu hadisə məni xoş təəccübləndirdi. Pulqabımın bu qədər qısa müddətdə və operativ şəkildə tapılması böyük məmnunluq yaratdı. Nizami RPİ-nin əməkdaşlarının bu işdə göstərdiyi fəallığa görə dərin təşəkkürümü bildirirəm”.

Sumqayıt şəhər sakini İlkin Alıyev Daxili İşlər Nazirliyinə ünvanladığı məktubunda xalasına məxsus mobil telefonun oğurlanması ilə bağlı Sumqayıt Şəhər Polis İdarəsinin 1-ci Polis Bölməsinə etdikləri müraciətin araşdırılaraq mobil telefonunun tapılıb təhvil verilməsinə görə bölmə əməkdaşlarına təşəkkürünü bildirir.

Əcnəbi vətəndaş İsmail Kaya məktubunda müraciətinə operativ baxılmasına və həyata keçirilən tədbirlərə görə Azərbaycan polisinə təşəkkürünü bildirir.

Əcnəbi vətəndaş Manyahin Evgeniy DİN-in “Instagram” səhifəsinə təşəkkür mesajı yazıb. O, müraciəti ilə əlaqədar göstərdikləri köməkliyə görə Xətai Rayon Polis İdarəsinin əməkdaşlarına təşəkkürünü bildirir.

Vətəndaş Yusif Hüseynquliyev DİN-in “Instagram” səhifəsinə təşəkkür mesajı yazıb. O, müraciətinə operativ baxılmasına görə Naxçıvan Şəhər Polis İdarəsinin əməkdaşlarına təşəkkürünü bildirir.

Vətəndaş Nicat İsmayılov DİN-in “Instagram” səhifəsinə təşəkkür mesajı yazıb. O, baş vermiş yol-nəqliyyat hadisəsi ilə əlaqədar aparılan obyektiv araşdırmalara görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Rüfət Həmzəyev DİN-in “Instagram” səhifəsinə təşəkkür mesajı yazıb. O, müraciətinə göstərilən diqqətli yanaşmaya görə Xətai Rayon Polis İdarəsinin əməkdaşlarına təşəkkürünü bildirir.

Əcnəbi vətəndaş Fatih Mehmet DİN-in “Instagram” səhifəsinə təşəkkür mesajı yazıb. O, müraciəti üzrə həyata keçirilən tədbirlərə və ona dəymiş maddi ziyanın tam ödətdirilməsinin təmin olunmasına görə Səbail RPİ-nin 39-cu Polis Şöbəsinin əməkdaşlarına təşəkkürünü bildirir.