Bakı şəhər sakini Şəhla Tağıyeva daxili işlər naziri tərəfindən Cəlilabad rayonunda keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilməsinə və müraciətinin müsbət həll olunmasına görə DİN rəhbərliyinə təşəkkürünü bildirir.

Bakı şəhər sakini Səbinə Qarabağlı məktubunda üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi RPİ-nin əməkdaşlarına minnətdarlığını bildirir.

Bakı şəhər sakini Novruz Məmmədov avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və göstərilən köməkliyə görə DİN rəhbərliyinə minnətdarlığını bildirir, Dövlət Yol Polisi əməkdaşlarına çətin və şərəfli işlərində uğurlar arzulayır.  

Sosial şəbəkə istifadəçisi Seymur Şirinov DİN-in “Instagram” səhifəsinə yazdığı mesajında onu narahat edən məsələnin müsbət həllini tapmasına və dəymiş maddi ziyanın tam şəkildə ödənilməsinin təmin edilməsinə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Səttar Əliyev DİN-in “Instagram” səhifəsinə yazdığı mesajında qohumunun üzləşdiyi yol-nəqliyyat hadisəsinin obyektiv və yüksək peşəkarlıqla araşdırılmasına, vətəndaş məmnunluğunun təmin edilməsinə görə Nərimanov Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Elşən Əsədov DİN-in “Instagram” səhifəsinə yazdığı mesajında üzləşdiyi problemlə bağlı müraciətinin Xətai RPİ-nin 34-cü Polis Şöbəsində operativ araşdırılmasına və lazımi köməyin göstərilməsinə görə Xətai Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Nərmin Salamova DİN-in “Instagram” səhifəsinə yazdığı mesajında onu narahat edən məsələ ilə bağlı müraciətinə Nərimanov RPİ-nin 16-cı Polis Şöbəsində operativ baxılmasına, lazımi köməyin göstərilməsinə və ona dəymiş maddi ziyanın ödənilməsinin təmin edilməsinə görə təşəkkürünü bildirir.

Sosial şəbəkə istifadəçisi Sevil Mehdiyeva DİN-in “Instagram” səhifəsinə yazdığı mesajında polisə etdiyi müraciətinin Nəsimi RPİ-nin 22-ci Polis Şöbəsində operativ və yüksək peşəkarlıqla araşdırıldığını, qısa müddətdə müsbət həllinin təmin olunduğunu və dəymiş maddi ziyanın ödətdirilməsində də köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilən tədbirlərə görə Nəsimi RPİ-nin əməkdaşlarına təşəkkür edir.

Sosial şəbəkə istifadəçisi Səidə Bürcaliyeva DİN-in “Facebook”” səhifəsinə yazdığı mesajında onu narahat edən poroblemlə bağlı müraciətinə çevik reaksiya verilməsinə və qanunamüvafiq tədbirlərin görülməsinə görə Nizami RPİ-nin 24-cü Polis Şöbəsinin əməkdaşlarına təşəkkürünü bildirir.