Beyləqan rayon I Şahsevən kənd sakini Bəxtiyar Abdullayev DİN-ə ünvanladığı təşəkkür məktubunda daxili işlər orqanları əməkdaşlarından razılığını bildirir.

Bakı şəhər sakini Malik Qurbanov DİN-ə ünvanladığı təşəkkür məktubunda sahibkarlıqla məşğul olduğu ərazidə xidmət aparan, asayişi qoruyan həmkarlarımızdan minnətdarlığını ifadə edir.

Ağdam rayon sakini Rövşən Nəsirov etdiyi müraciətə çevik reaksiya verdiyinə və obyektiv araşdırmaya görə Rayon Polis Şöbəsinin təhqiqatçısı Nicat Talıbova minnatdarlığını bildirir.

Daşkəsən rayon sakini Lamiyə Əhmədova üzləşdiyi problemin həllində göstərdiyi köməyə görə RPŞ rəhbərliyinə minnətdarlığını ifadə edir.

Bakı şəhər sakini İradə İsmayılova yazır ki, şikayət ərizəsinə aidiyyatı üzrə Bakı Şəhər Baş Polis İdarəsi tərəfindən baxılmış və məsələ öz həllini tapmışdır. Buna görə də o, BŞBPİ-nin rəhbərliyinə minnətdarlığını ifadə edir.

Qax rayon sakini Nazlı Qadaşova vətəndaş kimi polis əməkdaşlarından gördüyü diqqət və qayğıya görə DİN rəhbərliyinə təşəkkür edir.

Masallı rayon veteranları, ağsaqqaları ölkə Prezidentinin tapşırığına əsasən bölgələrdə vətəndaşların üzləşdikləri problemləri öyrənmək məqsədi ilə keçirilən qəbullara diqqət çəkərək yazırlar ki, DİN rəhbərliyinin vətəndaşları fərdi qaydada qəbulu, onların problemlərini dinləməsi, müraciətlərin qanunvericiliyə uyğun şəkildə həll edilməsi üçün verilən tapşırıqlar dövlətə və dövlətçiliyə xidmət edir. Bu isə öz növbəsində Azərbaycan Polisinə olan inamı və etibarı daha da artırır.

Bakı şəhər sakini Zəhra Rzayeva etdiyi müraciətə Baş Mütəşəkkil Cinayətkarlıqla Mübartizə İdarəsində baxıldığına və aparılan araşdırmalardan sonra hər şeyin qanun çərçivəsində öz həllini tapdığına görə DİN rəhbərliyinə təşəkkürünü bildirir.

Yevlax şəhərindən Rahilə Qənbərova DİN-ə ünvanladığı minnətdarlıq məktubunda RPŞ əməkdaşlarının xidmətindən məmnun qaldığını, onların fəaliyyəti nəticəsində yollarda hərəkətin yüksək səviyyədə nizamlandığını, asayişin və sabitlyin etibarlı qorunduğunu diqqətə çatdırır.