Oğurluq faktı ilə əlaqədar Abşeron Rayon Polis İdarəsinə etdiyi müraciətə çevik reaksiya verildiyinə, qısa zaman kəsiyində cinayətin açılmasında və həmin əməli törədənlərin tapılmasında göstərdikəri operativliyə görə rayon sakini Əsəf Əliyev RPİ-nin rəhbərliyinə və şəxsi heyətinə minnətdarlığını ifadə edir.

Goranboy rayon sakini Orxan Əliyev vəzifə borclarının öhdəsindən layiqincə gələn, ölkəmizdə sabitliyi, əmin-amanlığı qorumaq üçün canlarını fəda edən həmkarlarımıza xidmətlərində uğurlar arzulayır.

Pirallahı rayon sakini Balacaxanım Məmmədova baş vermiş yanğın zamanı həyatlarını təhlükəyə ataraq insanların köməyinə çatan həmkarlarımıza minnətdarlığını bildirir.

Bakı şəhər sakini Pərvanə Quliyeva şikayət ərizəsinə baxıldığına, ona dəymiş maddi ziyanın ödətdirildiyinə və üzləşdiyi problemin həllində göstərdiyi köməkliyə görə Nərimanov RPİ-nin rəhbərliyinə minnətdarlığını bildirir.

Səbail rayonundakı 329 nömrəli məktəbin direktoru Sevil Əliyeva gələcəyimiz olan gəncləri qorumaq üçün RPİ tərəfindən “Narkomaniyaya və zərərli vərdişlərə yox deyək” mövzusunda keçirilən tədbirə görə təşəkkürünü bildirir.

Qusar rayon sakini Vidadi Ciyərxanov etdiyi müraciətə RPŞ rəhbərliyi tərəfindən çevik reaksiya verildiyinə və probleminin həllinə görə minnətdarlığını ifadə edir.

Cəlilabad rayon sakini Hümbət Musayev RPŞ-nin əməkdaşlarının fəaliyyətindən razılığını ifadə edir.

Gədəbəy rayonu İnəkboğan kənd sakini Qərənfil İsmayılova DİN-ə ünvanladığı minnətdarlıq məktubunda vəzifə borcunu layiqincə yerinə yetirdiyinə və vətəndaşlarla yaratdığı xoş münasibətə görə BPQMİ-nin şöbə rəisi Jalə Nəsibovadan razılıq edir və təşəkkürünü bildirir.

Cəlilabad şəhər sakini Qaçay Əhmədov DİN rəhbərliyinə ünvanladığı təşəkkür məktubunda rayondakı mağazalardan birində satıcı işləyən qızın epileptik qıcolması tutan zaman ona ilkin tibbi yardım göstərərək həyatını xilas etdiyinə görə Cəlilabad RPŞ-nin dövlət yol polisi bölməsinin rəisi, polis mayoru Şaiq Ağayevə minnətdarlığını bildirir.