Lənkəran rayonunun Xanbulan kənd sakini Teymur Nəhmətli DİN rəhbərliyinə ünvanladığı təşəkkür məktubunda dostunun 2 yaşlı oğlu Kənan Teymurovun xəstə halda atasına məxsus avtomobillə Lənkəran Mərkəzi Rayon Xəstəxanasına aparılarkən uşağın xəstəxanaya vaxtında çatdırılmasına köməklik göstərdiyi üçün Lənkəran ŞRPŞ-nin dövlət yol polisi bölməsinin yol patrul xidmətinin əməkdaşları Rəşadət Quluzadə, Elçin Tağıyev və Nail Şərifova minnətdarlığını ifadə edir, polis əməkdaşlarının fəaliyyətindən razılığını bildirir.

Bakı şəhər sakini Ağalar İbrahimov DİN-ə ünvanladığı məktubunda şikayətinə tez bir zamanda baxılaraq, hüquqlarının qorunmasında ona göstərilən köməyə görə Nəsimi RPİ-nin 22-ci Polis Şöbəsinin əməkdaşlarına təşəkkürünü bildirir.

Bakı şəhər sakinləri Səmyəddin Allahverdiyev və Tural Şükürov DİN rəhbərliyinə ünvanladıqları təşəkkür məktublarında Azərbaycan Polisinin fəaliyyətini yüksək dəyərləndirirlər.

Bakı şəhər sakini Qənbər Verdiyev ona dəyən ziyanın ödənilməsində göstərdikləri köməyə görə Yasamal Rayon Polis İdarəsinin əməkdaşlarına minnətdarlığını bildirir.

Qusar şəhər sakini, 2-ci qrup əlil Hacımirzə Ağamirzəyev DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasında polisin fəaliyyətindən məmnunluğunu bildirir, həmçinin Qusar RPŞ-nin rəisi Ziya Əliyev tərəfindən vətəndaşlara göstərilən diqqət və qayğıya görə minnətdarlığını ifadə edir.

Etibarından sui-istifadə edərək aldatma yolu ilə əmlakını ələ keçirən şəxsin qanunsuz əməlləri barəsində etdiyi müraciətə çevik reaksiya verdiyinə və üzləşdiyi problemin həllində göstərdiyi köməkliyə görə Xalq artısti, professor Fidan Qasımova DİN rəhbərliyinə təşəkkürünü bildirir.

85 yaşlı veteran Nikolay İsayev DİN-in “Xəzri” İstirahət və Sağlamlıq Mərkəzində yaradılan şəraitə, istirahət üçün buranı seçənlərə göstərilən səmimi münasibətə və xoş ünsiyyətə görə təşəkkürünü bildirir.

Bakı şəhər sakini Teymur Vəliyev və Fuad Hətəmov şikayət ərizələrinə vaxtında baxıldığına və üzləşdikləri problemin həllində göstərdiyi köməkliyə görə Baş Mütəşəkkil Cinayətkarlıqla Mübarizə İdarəsinin rəhbərliyinə minnətdarlıqlarını bildirirlər.

Bakı şəhər sakini Şəhriyar Rzayev daxili işlər orqanlarında xidmətə yenidən bərpa olunduğuna görə DİN rəhbərliyinə təşəkkürünü bildirir.