Xocavənd rayon sakini Mehman Hüseynov ona dəymiş ziyanın qısa zaman kəsiyində ödətdirilməsinə göstərdiyi köməkliyə görə DİN rəhbərliyinə və daxili işlər orqanlarının kollektivinə minnətdarlığını bildirir.

Bərdə rayonundan olan bir qrup ziyalı DİN rəhbərliyinə ünvanladıqları təşəkkür məktubunda vətəndaşların səmimi şəkildə qəbul edilməsinə, onların müraciətlərinə göstərilən həssas münasibətə və cinayətkarlığa qarşı aparılan mübarizəyə görə Bərdə RPŞ-nin rəhbərliyinə minnətdarlıqlarını ifadə edirlər.

Bakı şəhər sakini Rahil Rəhimov ona dəymiş ziyanın qısa zaman kəsiyində ödətdirilməsinə göstərdiyi köməkliyə görə DİN rəhbərliyinə və daxili işlər orqanlarının kollektivinə minnətdarlıq edir.

“2016-cı ilin may ayının 9-da başıma ağır iş gəlmişdi. Uşağımı oğurlamışdılar. Polisin əməyi, gecə-gündüz fədakar xidməti və peşəkarlığı sayəsində uşağım tez bir zamanda sağ-salamat tapıldı. Bu hadisədən sonra “Qayada bitən çiçək” adlı hekayə yazdım. Bunu minnətdarlıq əlaməti olaraq Azərbaycan Polisinə ithaf etmişəm. Çünki onlar məni dirilər içində ölüykən diriltdi.” Bu sözləri Bakı şəhər sakini Elnur Ramazanlı DİN-ə ünvanladığı təşəkkür məktubunda yazır.

“İstanbul Çarşı İmport and Ex. LTD” MMM şirkətinin təsisçisi Cemal Yangın DİN rəhbərliyinə ünvanladığı təşəkkür məktubunda müraciətinə obyektiv baxılmasına və ona dəymiş maddi ziyanın tam ödətdirilməsində göstərilən köməkliyə görə Daxili İşlər Nazirliyinin və Səbail RPİ-nin rəhbərliklərinə, həmçinin idarənin İstintaq Şöbəsinin əməkdaşlarına minnətdarlığını bildirir.

Bir qrup Astara rayon sakini DİN rəhbərliyinə ünvanladığı təşəkkür məktubunda vətəndaşların səmimi şəkildə qəbul edilməsinə, onların müraciətlərinə göstərilən həssas münasibətə, həmçinin narkotiklərin qanunsuz dövriyyəsinə qarşı aparılan mübarizəyə və ictimai asayişin qorunmasına görə Astara RPŞ-nin rəhbərliyinə minnətdarlığını ifadə edir.

Bakı şəhər sakini Dərgah Hüseynov DİN rəhbərliyinə ünvanladığı minnətdarlıq məktubunda müraciətinə obyektiv baxılmasına və ona dəymiş maddi ziyanın bir qisminin ödətdirilməsində göstərdikləri köməyə görə Sabunçu RPİ-nin rəhbərliyinə və İstintaq Şöbəsinin əməkdaşlarına təşəkkürünü bildirir.

Bakı şəhər sakini Polad Hacıyev vəzifə borclarına məsuliyyətlə yanaşdığına, vətəndaşlara göstərdiyi köməkliyə, diqqətə, nəvazişə, eləcə də nizam-intizama görə DİN rəhbərliyinə və Metropolitendə Polis Şöbəsinin şəxsi heyətinə minnətdarlığını bildirir.

Bakı şəhər sakini Zaur İsmayılov DİN-ə ünvanladığı məktubunda polis əməkdaşlarına təşəkkürünü bildirib. Z.İsmayılov bildirir ki, senytabrın 4-də saat 23:30 radələrində Xətai rayonu ərazisində yerləşən istirahət parkında gəzərkən içərisində pulu, sənədləri, maaş və digər kartları olan pulqabısını itirib. Bir saata yaxın apardığı axtarış heç bir nəticə vermədiyinə görə evə qayıdıb: “Evdə olarkən saat 01:30 radələrində mənzilimin qapısı döyüldü və gələn şəxs özünü polis kapitanı Təhməzov kimi təqdim edərək, adımı və soyadımı sorüşdu. Verilmiş suallara cavab verdikdən sonra polis kapitanı mənə məxsus pul qabını qaytaranda mən həm təəccüb, həm də sevinc hissləri yaşadım. O, pul qabındakı əşyaların yerində olmasına əmin olduqdan sonra mənzili tərk etmək istədi. Lakin mən onun ayaq saxlamasını xahiş etdim və ona dərin minnətdarlığımı bildirərək, özü haqqında məlumat verməyini rica etdim. Məlum oldu ki, o, Masallı Rayon Polis Şöbəsinin əməkdaşı, polis kapitanı Mirxas Təhməzovdur, məzuniyyətdə olduğu üçün Bakı şəhərindədir. İstirahət parkının ərazisindən keçərkən pulqabımı tapmış və sahibinə qaytarılması üçün bütün tədbirləri görmüşdür.

Polis sıralarında belə ləyaqətli əməkdaşların olması qürurvericidir.”