Bakı şəhər sakini Nizami Əliyev şikayət ərizəsinə vaxtında baxıldığına və üzləşdiyi problemin həllində göstərdiyi köməkliyə görə Baş Mütəşəkkil Cinayətkarlıqla Mübarizə İdarəsinin rəhbərliyinə minnətdarlığını bildirir.

“Nəsimi rayonundakı mənzilimdən pulumun və qızıl-zinət əşyalarımın oğurlanmasını aşkar etdim. Bununla bağlı Nəsimi Rayon Polis İdarəsinə müraciət etdim. Polis əməkdaşlarının müraciətimə operativ yanaşmaları, mənə Xalq artisti və bir vətəndaş kimi xüsusi diqqət göstərmələri törədilmiş oğurluq faktının həyacanını unutdurdu, günahkarların tezliklə tapılmasına ümidimi arıtırdı. Heç bir gün keçməmiş mənzilimdən oğulruq etmiş şəxs müəyyən olunaraq məsuliyyətə cəlb edildi. Hazırda oğurlanmış əmlakımın bir hissəsi tapılaraq mənə təqdim edilmişdir.” Bu fikirlər Xalq artısti Zülfiyyə Xanbabayevanın DİN rəhbərliyinə ünvanladığı təşəkkür məktubundandır.

“Mən Şabranda doğulmuşam və hazırda iki dostumla birlikdə Novxanıda məskunlaşıb balıqçılıqla məşğul oluram. ETSN-nin verdiyi balıq ovu biletinə uyğun qaydalarla balıq ovlayırıq. Ancaq balıq ovuna verilən möhlət 31 dekabr 2018-ci ildə bitdiyindən dənizə çıxa bilmədik. Əlimiz hər yerdən üzülmüşdü. Üzləşdiyimiz çətinliklə bağlı Su Nəqliyyatında Polis İdarəsinin ərazi üzrə məsul olan polis əməkdaşına bildirdik. Düzü, hər hansı problemlə üzləşəndə bu qurumun əməkdaşlarını hər zaman yanımızda görmüşük. İdarə rəisi rəhbərliyi bizə verilən icazənin vaxtının artırılması ilə bağlı nazirliklə danışıqlar aparmış və məsələ müsbət həllini tapmışdır.” Novxanı qəsəbəsində kirayədə yaşayan Oktay Musayev balıqçılar adından DİN-ə ünvanladığı təşəkkür məktubunda bunları yazıb.

Bakı şəhər sakini Xəqani Rzayev DİN-ə ünvanladığı təşəkkür məktubunda həyatı təhlükədə qalan övladını xəstəxanaya vaxtında çatdırdıqlarına görə Səbail RPİ 9-cu PB-nin əməkdaşı, polis kapitanı Orxan Eyvazlıya minnətdarlığını bildirir.

“Nərimanfilm” kinostuduyasının baş direktoru, Əməkdar mədəniyyət işçisi Nəriman Məmmədov Hindistan Respublikasının “Dynamix LLP” şirkəti tərəfindən ölkəmizin ərazisində aparılan bədii filmin çəkilişlərində göstərdikləri köməkliyə görə Xətai Rayon Polis İdarəsinin rəisi, polis polkovniki Muradəli Babayevə, BŞBPİ-nin İctimai Təhlükəsizlik İdarəsinin inspektoru, polis baş leytenantı Fərhad Məmmədova və polis kapitanı İsmayıl Şahbazova minnətdarlığını bildirir.

Bakı şəhər sakini Kənan Yusifli “World Telekom” MMC-dən etdiyi şikayətin qısa zaman kəsiyin araşdırıldığına və ona göstərilən diqqətə görə Bakı Şəhər Baş Polis İdarəsinin əməkdaşı Teymur Nəsirova təşəkkürünü bildirir.

Masallı rayon sakini Sirac Quliyev DİN rəhbərliyinə ünvanladığı təşəkkür məktubunda şikayət ərizəsinə baxıldığına və üzləşdiyi problemin həllində göstərdiyi köməkliyə görə Baş Dövlət Yol Polisi İdarəsinin rəis müavini, polis polkovniki Elşən Kazımova minnətdarlığını bildirir.

Sumqayıt şəhər “Lift-Servis” Birliyinin direktoru Cümşüd İsmiyev ötən il liftdə qalmış şəxsin təcili olaraq xəstəxanaya çatdırılmasında göstərdikləri köməkliyə görə Sumqayıt Şəhər Dövlət Yol Polisi Şöbəsinin əməkdaşları, polis serjantları Sahib Əkbərova və Fikrət Məmmədova rəhbərlik etdiyi kollektiv adından təşəkkür edir.

Mingəçevir şəhər sakini Mövlud Hüseynov şikayət ərizəsinə baxılıb, üzləşdiyi problemin həllində göstərdiyi köməkliyə görə DİN rəhbərliyinə təşəkürünü bildirir.