Bakı şəhər sakini Könül Mustafayeva DİN-ə ünvanlandığı məktubunda müraciətinə qısa müddətdə baxılaraq ədalətli həll olunduğuna görə təşəkkür edir.

Bakı şəhər sakini Zarema İsmayılova DİN-ə ünvanladığı məktubunda Polşa səfirliyinə dəfələrlə müraciət etdiyini, bu zaman orada gördüyü polis əməkdaşının nümunəvi xidmət aparmasından, nəzakətli rəftarından razılığını ifadə edir. Bunun DİN rəhbərliyi tərəfindən şəxsi heyətin təlim-tərbiyəsinə, yüksək hazırlığına yetirilən diqqətin nəticəsi kimi dəyərləndirir və minnətdarlığını bildirir.

Tovuz rayonunun Abulbəyli kənd sakini Söhrab Vəliyev DİN-ə ünvanladığı təşəkkür məktubunda avtomobilinin qaçırılması ilə bağlı polisə etdiyi müraciətin peşəkarlıqla araşdırılaraq cinayətkarın məsuliyyətə cəlb olunmasında göstərdikləri xidmətə görə DİN və Tovuz RPŞ-nin rəhbərliklərinə minnətdarlığını bildirir.

Zaqatala rayon sakini Mikayıl Şahbazov DİN rəhbərliyinə ünvanladığı təşəkkür məktubunda onun evindən oğurluq edən şəxslərin müəyyən olunaraq məsuliyyətə cəlb olunmalarına və ona dəymiş maddi ziyanın ödənilməsində göstərilən köməkliyə görə Zaqatala RPŞ-nin əməkdaşlarına öz minnətdarlığını bildirir.

Bakı şəhər sakini Ülviyyə Əliyeva şikəyətini obyektiv araşdırıb tez bir zamanda həllini tapmasında, həmçinin ona dəyən ziyanın ödənilməsində göstərdiyi köməkliyə görə Binəqədi RPİ-nin İstintaq Şöbəsinin və 6-cı Polis Bölməsinin əməkdaşlarına minnətdarlığını ifadə edir.

Türkiyə vətəndaşı Ayhan İşıq pulunun oğurlanması ilə bağlı etdiyi müraciətə çevik reaksiya verdiklərinə və cinayətin üstünü qısa zamanda açdıqlarına görə Baş Mütəşəkkil Cinayətkarlıqla Mübarizə İdarəsinin əməkdaşlarına təşəkkürünü bildirir.

Bakı şəhər sakini Tahir Poladzadə narkotiklərlə mübarizədə qətiyyət göstərən, Azərbaycanın gəncliyini və gələcəyini təhdidlərdən qoruyan polisimizə, xüsusən də Sabunçu RPİ-nin şəxsi heyətinə minnətdarlığını bildirir.

Gədəbəy rayonunun Şəkərbəy kənd sakini Hafiz Salehov və Qoşabulaq kənd sakinləri Rayon Polis Şöbəsinin erkən nikah, dini radikalizm və narkomaniya ilə bağlı keçirdiyi tədbirlərdən, Şöbə rəhbərliyinin əhalini narahat edən problemlərin həllində göstərdikləri köməklikdən razılıqlarını ifadə edir, həmkarlarımıza xidmətdə uğurlar azulayırlar.

Vətəndaş Seymur Quliyev daxili işlər orqanlarında aparılan islahatlardan və asayişin keşiyində ayıq-sayıq dayanan həmkarlarımızın həyat qurtarmaq üçün günün istənilən vaxtında vətəndaşın köməyinə çatmağından razılığını ifadə edir.