İmişli rayonunun bir qrup sakini rayonda yaradılmış sabitliyə, əmin-amanlığa və nizam-intizama görə DİN rəhbərliyinə öz təşəkkürlərini ifadə edirlər.

Ağdam rayon sakini Fərhad Soltanlı sürücülük vəsiqəsi almaq üçün imtahan mərkəzlərində yaradılan şəraitə və qayğıya görə DİN rəhbərliyinə minnətdarlığını bildirir.

Bakı şəhər sakini Hatəm Eyvazov üzləşdiyi problemlə əlaqədar göstərdikləri köməkliyə görə DİN rəhbərliyinə və həmkarlarımıza təşəkkür etməyi özünə borc bilir.

Bakı şəhər sakini Mehman Qədirov səhhətində yaranmış problemlə əlaqədar göstərdiyi köməkliyə görə Ucar RPŞ-nin əməkdaşı, polis mayoru Şükür Salahova təşəkkürünü ifadə edir.

Bakı şəhər sakini Bəhram Şiriyev DİN-ə ünvanladığı minnətdarlıq məktubunda bunları yazır: “Gələcəyimizi və gəncliyimizi təhdid edən “ağ ölüm”ə qarşı qətiyyətlə aparılan mübarizə tədbirləri hər birimizin ürəyincədir. Binəqədi RPİ-nin məktəblərdə keçirdiyi maarifləndirmə tədbirləri də çox əhəmiyyətlidir və gənclərimizi zərərli vərdişlərdən uzaqlaşdırır. Göstərdiyiniz diqqət və qayğıya görə Sizə və bütün polis əməkdaşlarına dərin təşəkkürümüzü bildiririk.”

Bir qrup Qarabağ müharibəsi veteranı üzləşdikləri problemlərlə əlaqədar göstərilən köməkliyə görə DİN rəhbərliyinə minnətdarlıqlarını bildirirlər.

Bakı şəhər sakini Hamlet İbrahimov DİN-ə ünvanladığı təşəkkür məktubunda Quba rayonunda yaşadığı evindən oğurluq edilməsi ilə bağlı polisə etdiyi müraciətin peşəkarlıqla araşdırılaraq cinayətkarların məsuliyyətə cəlb olunmasında göstərdikləri xidmətə görə DİN, Quba RPŞ rəhbərliyinə və bütün polis əməkdaşlarına minnətdarlığını bildirir.

Quba rayon sakini Rəsmiyyə Həmidova DİN rəhbərliyinə ünvanladığı məktubda müraciətinə tez bir zamanda baxılaraq ona dəyən maddi ziyanın ödənilməsində göstərdikləri köməyə görə DİN rəhbərliyinə və Quba RPŞ-in rəisi, polis polkovniki Süleyman Neymətova təşəkkürünü bildirir.

Quba rayonu Qırmızı qəsəbə sakini Boris İsakov DİN-ə ünvanladığı təşəkkür məktubunda köməksiz vəziyyətdə olarkən onu ölümün pəncəsindən qurtaran Quba RPŞ-nin əməkdaşları, polis serjantları İlham Məmmədova və Seyfəl Nəsirova, eləcə də ictimai təhlükəsizliyin təmin edilməsində göstərilən xidmətə görə DİN və Quba RPŞ-in rəhbərliyinə minnətdarlığını bildirir.