Bakı şəhər sakini Oğul Mirzəli DİN-ə ünvanladığı məktubunda bildirir ki, oktyabrın 13-də gecə vaxtı 3-cü qrup əlil olan oğlu Rövşənin maşınına dörd nəfər basqın edərək, sürücünün mobil telefonunu, cüzdanını, sənədlərini zorakılıqla talamışlar. Bu barədə bir qədər sonra nazirliyin “102” Zəng mərkəzinə müvafiq məlumat vermişlər. Dərhal hadisə yerinə gələn Sabunçu RPİ-nin 13-cü Polis Bölməsinin əməkdaşları ətraflı araşdırma apardılar. Hadisədən iki gün sonra hadisəni törədən şəxslər yaxalanaraq istintaqa təhvil verildilər. Məktubunun sonunda O.Mirzəli ölkədə sabitliyin yüksək səviyyədə təmin edilməsinə, cinayətkarlığa qarşı barışmaz mübarizəyə görə DİN rəhbərliyinə öz minnətdarlığını bildirir.

Rusiya Federasiyasında yaşayan soydaşımız Kəbutər Quliyeva həyat yoldaşı, tanınmış diplomat Əli Mustafabəylinin builki məzuniyyətini Azərbaycanda, DİN-in “Xəzri” İstirahət Sağlamlıq Mərkəzində keçirməsi qərarına əsasən bura üz tutduqlarını yazaraq, qeyd edir ki, dünyanın əksər ən yaxşı istirahət mərkəzlərində olduqlarından onları nəyləsə təccübləndirmək çətin olduğundan burada da qeyri-adi heç nə olmayacağını düşündüklərini, gəldikdən sonra isə bu fikirdə yanıldıqlarını, əsl “möcüzələr adası”na düşdüklərini bildirir. Sözünə davam edərək, burada interyerin dizaynının işlənməsini, personalın qayğıkeş, səmimi, gülərüz, ən xırda detallara belə həssaslıqla yanaşmalarını, Mərkəzin panoramını, xidmətlərin ən yüksək səviyyədə təşkilini, yeməklərin keyfiyyətli və ləziz olmasının hər bir istirahətçinin fərəhinə səbəb olduğunu qeyd edərək “Xəzri”nin brendə çevrildiyini, bu işdə xüsusi diqqət və qayğısına görə DİN və “Xəzri” İstirahət Sağlamlıq Mərkəzinin rəhbərliklərinə öz minnətdarlığını bildirir.

Qarabağ müharibəsi veteranı Murtuz Əliyev DİN rəhbərliyinə ünvanladığı təşəkkür məktubunda BDYPİ-nə bilavasitə tabe olan Şəki regional qeydiyyat-imtahan və texniki baxış şöbəsinin rəisi Natiq Yaqubovun xidməti fəaliyyətindən razılıq edir, vətəndaşlarla xoş ünsiyyət və rəftara görə ona öz minnətdarlığını bildirir.

Tərtər rayonunun Qazyan kənd sakini Gündüz Qasımov öz təşəkkür məktubunda xidməti vəzifəsini layiqincə yerinə yetirdiyinə görə Rayon Polis Şöbəsinin rəhbərliyinə minnətdarlığını ifadə edir.

Beyləqan rayon sakini Elşad Haqverdiyev məktubunda üzləşdiyi problemlə bağlı müraciətinə qısa müddətdə baxılaraq müsbət həll olunduğuna görə DİN rəhbərliyinə təşəkkürünü bildirir.

Bakı şəhər sakini Raul Fərəcov müraciətinə həssaslıqla yanaşılaraq obyektiv araşdırıldığına və probleminin qısa müddətdə ədalətli həll olunduğuna görə DİN rəhbərliyinə minnətdarlığını bildirir.

Bakı şəhər sakini Rövşən Xantəmirov üzləşdiyi problemlə əlaqədar Qaradağ RPİ-yə etdiyi müraciətə İstintaq şöbəsində obyektiv baxılaraq hüquqi qiymət verildiyinə görə DİN rəhbərliyinə təşəkkürünü bildirir.

Salyan rayonunun Qarabağlı kənd sakini Mansur Qurbanov müraciətinə tez bir zamanda baxılaraq probleminin həllini tapmasında ona göstərilən köməyə görə DİN rəhbərliyinə minnətdarlığını bildirir.

Zərdab rayon sakini Hakim Müzəffərov DİN rəhbərliyinə ünvanladığı təşəkkür məktubunda yolda halı pisləşən qızının xəstəxanaya çatdırılmasında göstərdikləri köməkliyə görə Zərdab RPŞ DYPB-nin əməkdaşı Rəşad Bünyatova minnətdarlığını bildirir.