“İnstagram” izləyicimiz Rəxşəndə İsmayılzadə səhifə vasitəsi ilə ünvanladığı təşəkkür məktubunda ictimai asayişin və ictimai təhlükəsizliyin etibarlı qorunmasına və vətəndaş müraciətlərinə həssaslıqla yanaşılmasına görə DİN rəhbərliyinə minnətdarlıq edir, bu çətin işdə uğur və müvəffəqiyyət arzulayır.

Bakı şəhər sakini Sabir Babayev Daxili İşlər Nazirliyənə ünvanladığı müraciətdən sonra ona dəymiş ziyanın ödənilməsinə və müraciətinə diqqət və qayğı ilə yanaşıldığına görə DİN rəhbərliyinə və şəxsi heyətinə dərin minnətdarlığını bildirir.

“Facebook” izləyicimiz səhifədən etdiyi şikayətə baxılaraq müsbət istiqamətdə həll edildiyinə görə yenidən yazaraq təşəkkürünü bildirir.

Sabunçu rayonu Balaxanı qəsəbəsi Ağsaqqallar Şurasının səri Əlihəsən Vəliyev qəsəbə ərazisində narkotiklərin qanunsuz dövriyyəsi ilə bağlı Rayon Polis İdarəsinin keçirdikləri əməliyyatlara görə qəsəbə sakinləri adından DİN rəhbərliyinə təşəkkürünü bildirir. İctimai asayişin qorunmasında, cinayətkarlıqla mübarizədə polisin rolunu yüksək dəyərləndirir, Azərbaycan Polisinə çətin və şərəfli xidməti fəaliyyətində uğurlar diləyir.

Bakı şəhər sakini Lalə Şirinova evinin oğurlanması ilə əlaqədar etdiyi müraciətə operativ reaksiya verilərək qısa zaman kəsiyində cinayətkarların tutulmasına, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Binəqədi RPİ-nin əməkdaşlarına minnətdarlığını bildirir.

Neftçala rayon sakini Əli Nağıyev Daxili Qoşunlarının yaranmasının 28-ci ildönümü ilə əlaqədar DİN rəhbərliyini və Daxili Qoşunların kollektivini səmimi qəlbdən təbrik edir, hərbi şəhərciklərdə şəxsi heyət üçün yaradılmış hərtərəfli şəraitə görə təşəkkürünü bildirir, gələcək xidmətlərində uğurlar arzulayır.

Zaqatala rayon sakini Dibir Ramazanov DİN rəhbərliyinə ünvanladığı təşəkkür məktubunda evindən olunan oğurluğun tez bir zamanda açılaraq cinayətkarların məsuliyyətə cəlb olunmasına görə Zaqatala RPŞ-nin əməkdaşlarına minnətdarlığını bildirir.

İmişli rayon sakini Xaqani Vəliyev ona dəymiş ziyanın ödətdirilməsində göstərdikləri köməkliyə görə DİN rəhbərliyinə və İmişli RPŞ-nin əməkdaşlarına minnətdarlığını bildirir.

Quba şəhərində yaşayan Şamxal Quşkarı və Yaşar Lalayev üzləşdikləri dələduzluq faktı ilə bağlı Quba Rayon Polis Şöbəsinə müraciət etdiklərini bildirirlər. Onlar İstintaq bölməsində müraciətlərinin obyektiv araşdırıldığını, cavabdeh şəxs barəsində cinayət işi başlanılaraq məhkəməyə göndərildiyini qeyd edir, müraciətlərinə operativ baxıldığına və ədalətli həll olunduğuna görə Quba RPŞ-nin əməkdaşlarına təşəkkürlərini bildirirlər.