Bakı şəhər sakini Göyçək Pirverdiyeva DİN-ə ünvanladığı təşəkkür məktubunda üzləşdiyi problemin qısa zaman kəsiyində həll olunmasına göstərdiyi köməkliyə görə minnətdarlığını ifadə edir.

Masallı rayonunun Böyük Xocavar kənd sakini Əflatun Hüseynov DİN rəhbərliyinə ünvanladığı təşəkkür məktubunda itən mobil telefonunun tapılaraq özünə qaytarılmasına görə Masallı RPŞ-nin əməkdaşlarına minnətdarlığını bildirir.

Astara Rayon Polis Veteranlar Şurasının sədri Rafiq Əliyev öz təşəkkür məktubunda ictimai asayişin və ictimai təhlükəsizliyin təmin olunmasına, ümumtəhsil müəssisələrində narkomaniyaya qarşı təşkil olunan maarifləndirici görüşlərə və polis veteranlarına göstərilən diqqətə görə DİN rəhbərliyinə minnətdarlığını ifadə edir.

Astara rayonunun Ərçivan qəsəbəsi sakini Məhərrəməli Məmmədov DİN rəhbərliyinə ünvanladığı təşəkkür məktubunda həyat yoldaşına məxsus kartdan naməlum şəxs tərəfindən pulun çəkilməsi ilə bağlı etdiyi müraciətin obyektiv araşdırılmasına görə Rayon Polis Şöbəsinin rəhbərliyinə minnətdarlığını bildirir.

Goranboy rayonunun Azad kənd sakini Qədir Ağayev müraciətinin müsbət həll olunmasında və ona dəymiş maddi ziyanın tam ödətdirilməsində göstərilən köməkliyə görə DİN rəhbərliyinə və Binəqədi RPİ-nin 6-cı Polis Bölməsinin əməkdaşlarına minnətdarlığını bildirir.

İsmayıllı rayon sakini Cəlal Calalov təşəkkür məktubunda ona göstərilən köməkliyə görə, DİN rəhbərliyinə və Maliyyə-Plan İdarəsinin əməkdaşlarına öz minnətdarlığını bildirir.

Ağdam rayon sakini Kərim Kərimov ünvanladığı təşəkkür məktubunda Ağcabədi rayonunda 6 saylı rayonlararası qeydiyyat-imtahan və texniki baxış şöbəsində vətəndaşlara göstərilən peşəkar səviyyədə diqqət və qayğıya görə DİN və Şöbə rəhbərliklərinə öz minnətdarlığını ifadə edir.

Yevlax rayonunda məskunlaşmış Kəlbəcər rayon sakini F.Qurbanova öz minnətdarlıq məktubunda qızına şəxsiyyət vəsiqəsinin verilməsində göstərdikləri köməkliyə görə Baş Pasport Qeydiyyat və Miqrasiya İdarəsinin rəhbərliyinə və Yevlax RPŞ-nin əməkdaşlarına təşəkkürünü bildirir.

Bakı şəhər sakini Anar Pənahov DİN-ə ünvanladığı təşəkkür məktubunda Baş Dövlət Yol Polisi İdarəsində vətəndaşlara göstərilən diqqət və xidmətdən məmnun olduğunu, polisin cəmiyyətdəki nüfuzunun qaldırılması, imicinin yaxşılaşdırılması istiqamətində aparılan islahat xarakterli tədbirlərin müsbət nəticəsinin şahidi olduğunu və bu addımları müsbət qiymətləndirərək alqışladığını bildirir. Avtomobilinə dövlət qeydiyyat nişanının təhkim edilməsi ilə bağlı müraciətinə qısa müddətdə baxılaraq operativ həll olunmasına görə DİN rəhbərliyinə və BDYPİ-nin şəxsi heyətinə təşəkkürünü ifadə edir.