Qazax rayonunun Cəfərli kənd sakini Mehman Nəbiyev Daxili İşlər Nazirliyinə ünvanlandığı təşəkkür məktubunda Qazax Rayon Polis Şöbəsinə etdiyi müraciətinə həssaslıqla yanaşıldığına və ədalətli baxıldığına görə DİN rəhbərliyinə, həmçinin RPŞ-nin əməkdaşlarına təşəkkürünü bildirir.

Kürdəmir rayon sakini Elvin Qədirov DİN rəhbərliyinə ünvanladığı təşəkkür məktubunda ona qarşı dələduzluq edilməsi ilə bağlı polisə etdiyi müraciətin peşəkarlıqla araşdırılaraq cinayətkarın məsuliyyətə cəlb olunmasında göstərdikləri xidmətə görə DİN və Kürdəmir RPŞ-nin rəhbərliklərinə minnətdarlığını bildirir.

Vətəndaş Babək Güləliyev DİN rəhbərliyinə ünvanladığı təşəkkür məktubunda vətəndaşlara göstərdikləri köməkliyə və nümunəvi xidmətə görə, Quba RPŞ-nin rəhbərliyinə və əməkdaşlarına öz minnətdarlığını bildirir.

Astara rayonunun Ərçivan qəsəbə sakini Məhərrəməli Məmmədov DİN rəhərliyinə ünvanladığı təşəkkür məktubunda qardaşının müalicəsində göstərdiyi köməkliyə görə Astara RPŞ-nin ictimai təhlükəsizlik bölməsinin əməkdaşı, polis baş serjantı Samir Məmmədova minnətdarlığını bildirir.

Bakı şəhər sakini Rüstəm Cəfərov DİN-ə ünvanladığı məktubunda fədakar polis əməkdaşlarına təşəkkürünü bildirib.

O yazır ki, cari il oktyabrın 31-də yaşlı bir xanım intihar etmək məqsədi ilə metronun “Koroğlu” stansiyasının yaxınlığındakı körpüyə çıxıb. Həmin vaxt ərazidə xidmət aparan Nizami rayon Mühafizə İdarəsinin əməkdaşları və Yol Patrul Xidmətinin əməkdaşlarının sayıqlığı və çevikliyi sayəsində onun bu cəhdinin qarşısı müvəffəqiyyətlə alınıb.

R.Cəfərov qeyd edir ki, hazırda hüquqşünas fəaliyyəti göstərir: “Ali məqsədimiz insanların hüquqlarını müdafiə etməkdir. Bu gün qarşılaşdığım mənzərə və bir insan həyatının polis əməkdaşı tərəfindən xilas edilməsi inanın, məndə sözlə ifadə edilə bilməyəcək dərəcədə gözəl təəssürat yaratdı”.

Lənkəran şəhər sakini Ənvər Şahqubadbəyli sürücülük vəsiqəsi almaq üçün müraciət etdiyi Lənkəran Rayonlararası Qeydiyyat-imtahan Şöbəsində göstərilən səmimi münasibətə, yüksək diqqətə görə şöbənin rəhbərliyinə minnətdarlığını bildirir.

Məcburi köçkün Telman Orucov üzləşdiyi problemin həllində köməklik göstərən Bərdə rayon Polis Şöbəsinin təhqiqatçısı Babək Nəsirova təşəkkürünü bildirir.

Bakı şəhər sakini Elvin Cəfərov Qubaya yağan qar səbəbindən buz bağlamış yolda turistlərlə birlikdə köməksiz vəziyyətdə qalması ilə bağlı etdiyi müraciətə həmkarlarımızın qısa zaman kəsiyində çevik reaksiya verməsinə və onları çətin durumdan çıxardıqlarına görə təşəkkürünü bildirir.

Astara Ziyalı Ağsaqqal Cəmiyyətinin sədri Camal İbrahimov rayonda sürücülər arasında profilaktik tədbirlərin görülməsində, yol hərəkəti qaydalarının yüksək səviyyədə nizamlanmasında, yollarda yol nişanlarının qoyulmasında, yenilənməsində, sözün əsl mənasında, fədakarlıq göstərən, həmçinin sürət həddini aşanlarla, avtomobili sərxoş vəziyyətdə idarə edənlərlə mübarizədə yüksək qətiyyət nümayiş etdirən Rayon Polis Şöbəsinin DYPB-nin rəisi, polis mayoru İlqar Rəhimzadəyə minnətdarlığını ifadə edir.