Bakı şəhər sakini Səfərov evində baş vermiş yanğın zamanı 3 azyaşlı övladının həyatını xilas etmək üçün öz həyatlarını təhlükəyə atan Nəsimi Rayon Polis İdarəsinin əməkdaşlarına təşəkkürünü bildirir.

Masallı rayon sakini Balamirzə Mütəllimov məktubunda təhqiredici ifadələrinə görə Binəqədi Rayon Polis İdarəsinin əməkdaşı haqqında müvafiq tədbir görüldüyünə görə DİN rəhbərliyinə təşəkkürünü bildirir.

Bakı şəhər sakini Tahir Rzayev DİN-ə ünvanladığı məktubunda səhhətində yaranan problemin aradan qaldırılmasında göstərdikləri köməyə görə DİN-nin A.Heydərov adına Respublika Hospitalının kollektivinə təşəkkürünü bildirir.

Bakı şəhər sakini Əfqan Xanəliyev şikayətinə obyektiv baxılaraq, tez bir zamanda həllini tapmasında göstərdikləri köməyə görə Azərbaycan Polisinə təşəkkürünü bildirir.

Xaçmaz rayon sakini İlham Haqverdiyev DİN-ə ünvanladığı məktubunda probleminin ədalətli həllində göstərdikləri köməyə görə polisə təşəkkürünü bildirir.

Bakı şəhər sakini Cavid Arpadarai DİN-ə ünvanladığı məktubunda bağ evində baş vermiş oğurluq hadisəsinin üstünün açılmasında göstərdikləri köməyə görə Sabunçu RPİ 12-ci Polis Bölməsinin əməkdaşlarına minnətdarlığını bildirir.

Bakı şəhər sakini Unidə Zuxrabova DİN-ə ünvanladığı təşəkkür məktubunda yaranan probleminin həllində göstərdikləri köməyə görə daxili işlər orqanları əməkdaşlarına minnətdarlıq edir.

Sumqayıt şəhər sakini Elnurə Əliyeva DİN-ə ünvanladığı məktubunda ictimai sabitliyə və narkomaniyaya qarşı mübarizədə polisin rolunu yüksək dəyərləndirir və buna görə DİN rəhbərliyinə təşəkkürünü bildirir.

“Mən II qrup Qarabağ müharibəsi əliliyəm. Bu günlərdə İmişli rayonunda olarkən yol polisi əməkdaşından gördüyüm yaxşılıq, humanistlik məni mütəəssir etdi və bu təşəkkür məktubunu yazmağı özümə borc bildim. Belə ki, yanvarın 9-da avtomobillə İmişli rayonuna getmişdim. Yolda qəza baş verdi və xəsarət aldım. Dərhal hadisə yerinə gələn yol polisi əməkdaşı məni xəstəxanaya çatdırdı. Müvafiq sənədləri qaydaya salmaq üçün iki gün İmişlidə mehmanxanada qaldım. Həmin polis əməkdaşı mənə öz doğması kimi qayğı göstərdi. Hələ, üstəlik, evə qayıdanda cibxərcliyi də verdi. Düzü, gözlərim doldu. Vətən uğrunda sağlamlığını itirmiş qazi kimi belə dəyərli oğullarımızın varlığı ilə qürur duydum. Onlar qar, şaxta, yağış, isti bilmədən yollarda təhlükəsizliyi qorumaqla bərabər, həm də neçə-neçə insan həyatını xilas edirlər. Öyrəndim ki, Baş Dövlət Yol Polisi İdarəsinin Yol patrul xidməti alayının 12-ci taqımının inspektoru, polis baş serjantı Elmidar Əliyev mənim kimi qəza keçirənlərə, yolda qalanlara, bir sözlə, çox adama kömək edib, əsl vətəndaşlıq mövqeyi sərgiləyib”. Bu fikirləri DİN-ə ünvanladığı təşəkkür məktubunda Yevlax şəhər sakini İbrahim Abdullayev yazıb.