Bakı şəhər sakini Aqil Mirzəyev avtomobilinin şüşəsinin sındırılması, həmçinin ehtiyat təkərinin oğurlanması ilə bağlı etdiyi müraciətə həssaslıqla yanaşılaraq cinayətkarların tutulmasına, eləcə də ona dəymiş ziyanın ödətdirilməsində göstərdikləri köməkliyə görə DİN rəhbərliyinə və Binəqədi RPİ 5-ci PB-in əməkdaşlarına minnətdarlığını bildirir.

Polis veteranı Nəcəf Cəfərli DİN-ə ünvanladığı təşəkkür məktubunda bu gün DİN rəhbərliyinin veteranlara olan münasibətindən məmnun qaldığını və cinayətkarlıqla mübarizədə bundan sonra da öz töhfələrini verəcəklərini qeyd edir.

Bakı şəhər sakinləri İradə Allahverdiyeva və Fərid Əhmədov, Yevlax rayon sakini Bəhman Quliyev öz işinin öhdəsindən layiqincə gələn, sabitliyin və asayişin keşiyində qətiyyətlə duran, cinayətkarlıqla mübarizədə barışmaz mövqe nümayiş etdirən Azərbaycan Polisinə xidmətlərində uğurlar arzulayırlar.

Xətai rayonunda məskunlaşan Füzuli rayon sakini Şamil Kamallı Dövlət Sərhəd Xidməti Akademiyasının yaxınlığındakı yolda baş verəcək qəzaların qarşısının alıması, o cümlədən qaydaları pozan sürücülərin aşkarlanması istiqamətində həmin əraziyə kamera quraşdırılması ilə bağlı verdiyi təklifin RPİ rəhbərliyi tərəfindən yüksək qiymətləndirildiyinə və bu istiqamətdə görülən tədbirlərə görə Azərbaycan Polisə minnətdarlığını ifadə edir.

İdarə etdiyi avtomobilin Masallı rayonunun Xıl kənd sakini Rəfayil Qədirov tərəfindən qərəzli olaraq yandırılması ilə bağlı müraciətinə baxılaraq ona dəymiş ziyanın ödətdirilməsində və həmin şəxsin əməllərinə hüquqi qiymət verilməsində göstərdikləri köməkliyə görə İsayarov Firudun RPŞ-nin rəhbərliyinə, o cümlədən işin istintaqını aparan müstəntiq Aqşin Cəfərliyə təşəkkürünü bildirir.

Ağcabədi rayonunda müvəqqəti məskunlaşan Laçın rayon sakini Saçlı Abbasova üzləşdiyi problemin həllində göstərdikləri köməyə görə Laçın RPŞ-nin şəxsi heyətinə təşəkkürünü bildirir.

Lənkəran rayon sakini Namiq Ağayev Lənkəran Şəhər-Rayon Polis şöbəsinin rəisi, polis polkovniki Fəqan Azadəliyevin timsalında öz işinin öhdəsindən layiqincə gələn, sabitliyin və asayişin keşiyində qətiyyətlə duran, cinayətkarlıqla mübarizədə barışmaz mövqe nümayiş etdirən Azərbaycan Polisinə xidmətlərində uğurlar arzulayır.

Bakı şəhər sakini Elşən Ələkbərov ona qarşı dələduzluq etmiş şəxsin ifşa olunmasında və dəymiş ziyanın ödətdirilməsində göstərdiyi köməkliyə görə DİN rəhbərliyinə minnətdarlığını ifadə edir.

Bakı şəhər sakini Natavan Abdullayeva yaşadıqları binanın zirzəmisində yerləşən “Şəki mətbəxi” kafesində günün müxtəlif saatlarında, xüsusən də gecələr canlı musiqinin, səs-küyün sakinlərin narahatığı ilə bağlı etdikləri müraciətə DİN tərəfindən çevik reaksiya verildiyinə, məsələnin sakinlərin xeyrinə həllini tapdığına görə təşəkkürünü ifadə edir.