Bakı şəhər sakini Zaur Gəncəli evinin qarşısından oğurlanan “Herkules” markalı velosipedinin tez bir zamanda tapılaraq ona təhvil verilməsində göstərdikləri köməyə görə Xətai Rayon Polis İdarəsinin 37-cı Polis Bölməsinin əməkdaşlarına təşəkkürünü bildirir. O, cinayətkarlıqla mübarizədə polisin rolunu yüksək dəyərləndirir və gərgin xidməti fəaliyyətlərində uğurlar diləyir.

Ukrayna vətəndaşı Natalia Tsvihun şikayətinə operativ və obyektiv şəkildə baxılaraq ona dəyən ziyanın ödənilməsində göstərdikləri köməyə görə Sabunçu Rayon Polis İdarəsinin əməkdaşlarına təşəkkürünü ifadə edir. Azərbaycan Polisi tərəfindən ona göstərilən diqqət, qayğı və ədalətli mövqe üçün DİN rəhbərliyinə minnətdarlığını bildirir.

Şəki rayon sakini Sadiq Salehov müraciətinə operativ reaksiya verilərək müsbət yöndə həll edildiyinə görə, DİN rəhbərliyinə öz minnətdarlığını bildirir.

Bir qrup vətəndaş DİN rəhbərliyinə ünvanladığı təşəkkür məktubunda onlara qarşı dələduzluq etmiş şəxsin müəyyən olunaraq cinayət məsuliyyətinə cəlb edildiyinə görə, İsmayıllı RPŞ-nin əməkdaşlarına öz minnətdarlıqlarını bildirirlər.

Ağsu rayon sakini Mətləb Fərzəliyev Daxili İşlər Nazirliyinə təşəkkür məktubu ünvanlayıb. M.Fərzəliyev bildirib ki, xaricə getmək üçün viza almaq məqsədi ilə verdiyi 1200 manat pul A.X adlı şəxs tərəfindən mənimsənilib. Müraciət müəllifi ona dəymiş ziyanın tam ödənilməsinə və şikayətinə ciddi yanaşıldığına görə DİN rəhbərliyinə və Yasamal RPİ-nin şəxsi heyətinə təşəkkür edib.

“Azərbaycan Polisi öz vəzifəsini məsuliyyətlə yerinə yetirir. Mən Sizinlə fəxr edirəm”, - deyə Mətləb Fərzəliyev qeyd edib.

Lerik rayonunun Monidigah kənd sakini Cani Əliyev öz təşəkkür məktubunda müraciətinin obyektiv araşdırılmasına və müsbət həllini tapmasına görə DİN rəhbərliyinə və Astara RPŞ-nin əməkdaşlarına öz minnətdarlığını bildirir.

Sumqayıt şəhər sakini Fəridə Həmidova DİN rəhbərliyinə ünvanladığı təşəkkür məktubunda vətəndaşlara göstərdikləri səmimi münasibətə, diqqət və qayğıya, üzərlərinə düşən vəzifəni vicdanla və peşəkarcasına icra etdiklərinə görə Şəhər Polis İdarəsinin əməkdaşlarına təşəkkürünü bildirir.

“Axşam saat 18:30 radələrində həyat yoldaşım Səbinə Abbasova evə gələrkən binamızın yaxınlığında yerləşən mağazanın qarşısında naməlum şəxs tərəfindən icərisində sənədlər və pul olan çantası əlindən alınaraq qaçırılmışdır. Biz “102” Zəng Xidmətinə müraciət etdik və dərhal polis əməkdaşları hadisə yerinə gəldilər. Aparılan əməliyyat-tədbirləri nəticəsində hadisəni törədən şəxs saxlanıldı və çanta bizə qaytarıldı. Ailəmiz adından Xətai RPİ 36-cı Polis bölməsinin əməkdaşlarına öz dərin təşəkkürümü bildirirəm”. Bu sözləri Bakı şəhər sakini Səyavuş Abbasov DİN rəhbərliyinə ünvanladığı təşəkkür məktubunda yazır.

“Bir vətəndaş kimi məni təmkinlə dinləyib başa düşən, bütün qanuni yolları göstərən, həmçinin aylardır yaranmış problemin qısa bir zamanda aradan qaldırılmasına göstərdiyi köməkliyə görə Baş Dövlət Yol Polisi İdarəsinin Axtarış şöbəsinin xüsusi mühüm tapşırıqlar üzrə baş inspektoru, polis polkovnik-leytenantı Müseyib Quluzadəyə öz vəzifə borcunu vicdanla həyata keçirdiyinə görə dərin təşəkkürümü bildirirəm”. Bu fikirlər Bakı şəhər sakini Elvin Məmmədovun DİN-ə ünvanladığı təşəkkür məktubundandır.