Jurnalist Nərmin Əkbərlinin DİN-in “İnstagram” səhifəsinə yazdığı mesajı təqdim edirik: “Ötən həftə elan saytlarının birində kirayə ev elanları ilə bağlı iki şəxsin fırıldaqçılığı ilə üzləşdiyimi qeyd etmişdim. Məsələyə göstərdiyiniz diqqətə görə Sizə təşəkkür etməyi özümə borc bildim. Məktubu yazdıqdan cəmi bir neçə saat sonra polis əməkdaşları mənimlə əlaqə saxlayaraq, hadisə ilə bağlı ətraflı məlumat aldılar. Ötən gün artıq bu işi birlikdə görən 3 dələduzun saxlanılması barədə bizə məlumat verildi. Həmçinin bildirildi ki, bu əməlləri müxtəlif şəxslərə qarşı edən qrupun digər üzvləri də saxlanılacaq. Sosial şəbəkə üzərindən olan adi müraciətə bu qədər diqqətlə və operativ yanaşılması mənim üçün də sürpriz oldu.

Sizinlə və işinizlə fəxr etməmək mümkün deyil, sonsuz təşəkkür edirəm. Bundan başqa DİN Mətbuat Xidmətinin və Yasamal RPİ 28-ci Polis Bölməsinin əməkdaşlarına məsələ ilə yaxından maraqlandıqları üçün minnətdaram.”

Bakı şəhər sakini Mayya Manafova Daxili İşlər Nazirliyinə ünvanladığı məktubunda şəxsiyyət vəsiqəsinin verilməsində yaranmış problemin aradan qaldırılması üçün göstərilən köməkliyə görə DİN rəhbərliyinə minnətdarlıq edir.

“Oskar Prodakşn” MMC-nin rəhbərliyi çəkilişlər aparılan zaman göstərilən köməkliyə görə DİN rəhbərliyinə minnətdarlığını bildirir.

Astara rayonunun Ərçivan qəsəbə sakini Elnur Zeynalov DİN-ə ünvanladığı minnətdarlıq məktubunda rayon ərazisində cinayətkarlığa, xüsusən də narkotiklərin qanunsuz dövriyyəsinə qarşı qətiyyətli mübarizə apardıqlarına görə DİN rəhbərliyinə və Rayon Polis Şöbəsinin əməkdaşlarına təşəkkürünü bildirir.

DİN-in “İnstagram” səhifəsinin izləyicisi olan Vüqar Məmmədov (nicheperfumes_azerbaijan) səhifəyə mesaj yazaraq itmiş sənədlərinin ƏÇPA-nın əməkdaşı tərəfindən tapılaraq ona təhvil verilməsinə görə DİN rəhbərliyinə təşəkkürünü bildirir.

Bakı şəhər sakini Can Kamal üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə DİN rəhbərliyinə və Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlığını bildirir.

Bakı şəhər sakini Sevda Nağıyeva bakalavr diplomunun itməsi ilə əlaqədar müraciətinə operativ şəkildə baxıldığına, eyni zamanda xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Yasamal RPİ-nin 29-cu Polis Şöbəsinin əməkdaşlarına minnətdarlığını bildirir.

Masallı rayonunun Ərkivan qəsəbəsinin sakini Məmmədağa Şiriyev DİN rəhbərliyinə ünvanladığı təşəkkür məktubunda COVID-19 pandemiyasının qarşısının alınması istiqamətində sərgilədikləri fədakar əməyə və yüksək xidmətə görə Azərbaycan Polisinə minnətdarlığını ifadə edir.

Astara şəhər sakini Rasim Bayramov DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə görə Astara RPŞ-nin dövlət yol polisi bölməsinin əməkdaşlarından razılığını ifadə edir.