Vətəndaş Ağgül Quliyeva müraciətinə tez bir zamanda baxılaraq probleminin həllini tapmasında ona göstərilən köməyə görə DİN rəhbərliyinə minnətdarlığını bildirir.

Qazax rayonunun Bala Cəfərli kənd sakini Ceyhun Rəhimov DİN rəhbərliyinə ünvanladığı təşəkkür məktubunda DİN-in Daxili Qoşunlarının maddi-texniki təminatının yaxşılaşdırılmasından, şəxsi heyətin bilik və bacarıqlarının təkminləşdirilməsindən razılığını bildirir.

Göygöl şəhər sakini Niyaməddin Niftəliyev Daxili İşlər Nazirliyinə ünvanladığı məktubunda güclü leysan yağışları zamanı yaranan sel nəticəsində fərdi yaşayış evində çətin anlar yaşadığını bildirir. O, xüsusi qurğular vasitəsi ilə sel sularının kənara çəkilməsində göstərdikləri köməkliklərə görə Göygöl RPŞ-nin əməkdaşlarına təşəkkürünü bildirir.

DİN-in rəsmi “Facebook” səhifəsinin izləyicisi olan Adışirin Qurbanov ailəsi və bir qrup Şirvan şəhər sakini adından səhifəyə yazdığı mesajında xidməti vəzifələrini layiqincə və yüksək peşəkarlıqla yerinə yetirən, şəhər ərazisində cinayətkarlıqla, o cümlədən narkotiklərin qanunsuz dövriyyəsi ilə qətiyyətli mübarizə aparan Şirvan ŞPŞ-nin rəhbərliyinə və əməkdaşlarına təşəkkürünü bildirir, çətin və şərəfli peşələrində uğurlar arzulayır.

DİN-in “İnstagram” səhifəsinin izləyicisi Rəna İbrahimova evinin yanması nəticəsində məhv olmuş sənədlərinin yenisi ilə təmin olunmasında köməklik göstərilməsi üçün səhifə vasitəsilə etdiyi müraciətə operativ baxıldığına və həll edildiyinə görə DİN rəhbərliyinə və BPQMİ-nin şəxsi heyətinə minnətdarlıq edir.

DİN-in “İnstagram” səhifəsinin izləyicisi İlkin Hənifəyev mobil telefonunun oğurlanması faktı ilə bağlı səhifə vasitəsilə etdiyi müraciətə operativ baxıldığına və ona dəymiş ziyanın ödənildiyinə görə DİN rəhbərliyinə minnətdarlıq edir.

DİN-in rəsmi “Facebook” səhifəsinin izləyicisi Adəm Şirinov səhifə vasitəsilə etdiyi müraciətə operativ baxılaraq müsbət həll olunduğuna görə DİN və Abşeron RPİ-nin rəhbərliklərinə təşəkkürünü bildirir.

Yardımlı rayon Veteranlar şurasının sədri Hüseyn Vəliyev DİN rəhbərliyinə ünvanladığı məktubunda polis əməkdaşlarının xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə təşəkkürünü bildirir.

Bakı şəhər sakini Rauf Əliyev Daxili İşlər Nazirliyinə ünvanladığı məktubunda müraciətinə qısa müddətdə baxılaraq müsbət həll edilməsinə görə DİN rəhbərliyinə minnətdarlığını bildirir.