Bakı şəhər sakini Gülnarə Nuriyeva DİN rəhbərliyinə ünvanladığı təşəkkür məktubunda ailəsində yaşanan problemlə əlaqədar Binəqədi RPİ 40-cı Polis Bölməsinə etdiyi müraciətə operativ baxıldığına və göstərilən köməkliyə görə minnətdarlığını bildirir.

Lənkəran rayonunun Cil kənd sakini Aytən Sadıqova DİN rəhbərliyinə ünvanladığı təşəkkür məktubunda etdiyi müraciətinin obyektiv araşdırılmasına və ona köməklik göstərilməsinə görə Lənkəran ŞRPŞ-nin rəhbərliyinə minnətdarlığını ifadə edir.

Kapital Bank ASC-nin Astara rayon filialının müdiri Anar Sadıqov DİN rəhbərliyinə ünvanladığı təşəkkür məktubunda banka müraciət edən vətəndaşların nizamlı şəkildə xidmətdən yararlanmasını təşkil etdiklərinə, sosial izolyasiya tədbirlərinin təmin olunmasına və ümumilikdə koronavirus infeksiyasının yayılmasının qarşısının alınmasında göstərdikləri xidmətlərə görə Astara Rayon Polis Şöbəsinin əməkdaşlarına minnətdarlığını bildirir.

Astara rayonunun Burzubənd kəndinin sakini Ramin Aslanov DİN rəhbərliyinə ünvanladığı təşəkkür məktubunda müraciətinin müsbət həllini tapmasına görə Rayon Polis Şöbəsinin rəhbərliyindən razılığını bildirir.

Goranboy rayon sakini Arif Namazov ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də maddi çətinliyi olan ailələrə etdikləri yardımlara görə DİN rəhbərliyinə və Goranboy RPŞ-nin əməkdaşlarına minnətdarlığını bildirir.

İsmayıllı rayon sakini Rəşad İskəndərov ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə görə Azərbaycan polisinə öz minnətdarlığını bildirir.

İsmayıllı şəhər sakinləri, I qrup əlil bacılar-Nəzakət və Sənubər Cəbrayılovalar DİN rəhbərliyinə ünvanladıqları təşəkkür məktubunda əlillərə göstərdikləri diqqət və qayğıya görə İsmayıllı RPŞ-nin rəhbərliyinə və əməkdaşlarına minnətdarlıqlarını bildirirlər.

İsmayıllı rayonunun Topçu kənd sakini Bəhruz Quliyev DİN rəhbərliyinə ünvanladığı təşəkkür məktubunda etdikləri müraciətin tez bir zamanda öz həllini tapmasına görə kənd sakinləri adından İsmayıllı RPŞ-nin əməkdaşlarına öz minnətdarlığını bildirir.

Azərbaycan Gözdən Əlillər Cəmiyyətinin Qazax rayonlararası Təşkilatının İdarə Heyəti və əlil üzvləri DİN rəhbərliyinə təşəkkür məktubu ünvanlayıb. Məktubda ölkəmizdə koronavirus pandemiyası ilə bağlı aparılan mübarizədə fəal və fasiləsiz işlərinə, həyata keçirilən təhlükəsizlik tədbirlərinə, eləcə də xidmətləri zamanı vətəndaşlara göstərilən qayğıya, köməkliyə görə DİN rəhbərliyinə və Qazax Rayon Polis Şöbəsinin şəxsi heyətinə minnətdarlıq bildirilir.