Laçın rayonunun Qarakeçdi kənd sakini Yusif Ələmşahov öz məktubunda veteran vəsiqəsi ilə təmin edildiyinə görə DİN və Şəxsi Heyətlə İş İdarəsinin rəhbərliklərinə təşəkkürünü bildirir.

Bakı şəhər sakini Nicat Quliyev Binəqədi RPİ-nin 6-cı Polis Bölməsinə etdiyi müraciətə obyektiv baxılaraq müsbət həll olunduğuna görə DİN rəhbərliyinə minnətdarlığını bildirir.

Bakı şəhər sakini Ceyhun Bədəlov DİN rəhbərliyinə ünvanladığı təşəkkür məktubunda etdiyi müraciətə operativ baxılmasına və Gəncə prospektində yerləşən aptekdə güclü təsiredici dərmanların satışı ilə məşğul olan şəxslərin Baş Narkotiklərlə Mübarizə İdarəsinin əməkdaşları tərəfindən keçirilən əməliyyat tədbirləri nəticəsində aşkar edilərək məsuliyyətə cəlb olunmalarına görə minnətdarlıq edir.

Bakı şəhər sakini Məhərrəm Cahangirov məktubunda yol-nəqliyyat hadisəsi zamanı polis əməkdaşlarının ona ilkin tibbi yardım göstərdikdən sonra xəstəxanaya apardıqlarına görə DİN rəhbərliyinə minnətdarlığını ifadə edir.

Bakı şəhər sakini Xaqan Qədimov məktubunda ölkədəki ictimai təhlükəsizliyin, sabitliyin, əmin-amanlığın qorunub saxlanılmasında xidməti vəzifə borclarını layiqincə yerinə yetirdiklərinə görə DİN rəhbərliyinə təşəkkürünü bildirir.

Şəhid Yavər Mirzəyevin atası, Qazax rayon sakini Abbas Mirzəyev Ermənistanla təmas xəttində yerləşən, hər gün düşmən tərəfdən atəşə məruz qalan Quşçu Ayrım kəndində öz işinin öhdəsindən layiqincə gələn asayiş keşikçilərinin gecəli-gündüzlü xidmət aparmasından, cinayətkarlıqla mübarizədə barışmaz mövqe nümayiş etdirməsindən, zərərli vərdişlərlə mübarizə ilə bağlı keçirilən tədbirlərdən razılığını ifadə edir, həmkarlarımıza xidmətdə uğurlar arzulayır.

“Aqromexanika” Elmi-Tədqiqat İnstitutunun baş elmi işçisi, texnika üzrə fəlsəfə doktoru, dosent Kamal Yaqublu daxili işlər orqanlarında gənclərə göstərilən diqqət və qayğının, onların vəzifədə irəli çəkilməsinin və xidmətdə fərqlənənlərə xüsusi rütbələrin vaxtından əvvəl verilməsinin dövlət gənclər siyasətinin bariz nümunəsi olduğunu yazır. O, DİN-in Polis Akademiyasını Heydər Əliyev təqaüdü və polis baş leytenantı xüsusi rütbəsi ilə bitirərək müstəntiq vəzifəsinə irəli çəkilmiş övladı, polis mayoru Orxan Yaqubluya mükafat qaydasında polis “polkovnik-leytenantı” xüsusi rütbəsi verilməsinə görə DİN rəhbərliyinə təşəkkürünü bildirir.

Bakı şəhər sakini Zülfiyyə Həsənova onu təhqir və təhdid etmiş şəxs barəsində etdiyi şikayətə Yasamal RPİ-də çevik reaksiya verildiyinə və E.Bağırov adlı şəxsin polis tərəfindən saxlanmasına görə təşəkkürünü bildirir.

Bakı şəhər sakini Vüqar İsmayılov oğurlanmış telefonunun qısa zaman kəsiyində tapılmasına görə Nərimanov RPİ-nin 18-ci Polis Şöbəsinin rəhbərliyinə və əməkdaşlarına təşəkkürünü bildirir.