Bakı şəhər sakini Xumar Şəfiyeva DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, müraciəti ilə bağlı Səbail RPİ-nin 8-ci Polis Bölməsində qəbul edildiyini, araşdırma aparılaraq probleminin qısa müddətdə müsbət həll edildiyini qeyd edərək DİN rəhbərliyinə minnətdarlığını bildirir.

Bakı şəhər sakini Rüfət Mirzəliyev DİN-in “İnstagram” səhifəsi vasitəsilə təşəkkürünü bildirib. O, mobil telefonunun itməsi barədə Binəqədi RPİ-nin 5-ci Polis Bölməsinə müraciət etdiyini bildirir. Az müddət sonra polis əməkdaşları onu bölməyə dəvət ediblər və tapılmış telefonunu ona qaytarıblar.

R.Mirzəyev vətəndaş müraciətlərinə diqqətlə yanaşılmasına və operativliyə görə DİN rəhbərliyinə və Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Bakı şəhər sakini Şəbnəm Umudova DİN-in “İnstagram” səhifəsi vasitəsilə təşəkkürünü bildirib. O, müraciətinə operativ baxıldığını, Suraxanı Rayon Polis İdarəsində qəbul edilərək araşdırma aparıldığını və probleminin müsbət həll olunduğunu qeyd edərək DİN rəhbərliyinə təşəkkürünü bildirir.

Ağstafa rayonunun Köçəsgər kənd sakini Aləmzar Hüseynova DİN rəhbərliyinə ünvanladığı təşəkkür məktubunda baş vermiş cinayət hadisəsinin üstünün açılmasında göstərdikləri peşəkarlığa görə Ağstafa Rayon Polis Şöbəsinin əməkdaşlarından razılığını bildirir.

DİN-in sosial şəbəkə səhifələrinin “fatim_abbasova” adlı izləyicisi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.

Gəncə şəhər sakini Qəmbər Verdiyev DİN rəhbərliyinə ünvanladığı təşəkkür məktubunda xidməti fəaliyyətini layiqincə yerinə yetirdiyinə görə Gəncə ŞBPİ-nin kollektivinə minnətdarlığını bildirir.

Qazax rayonunun Aslanbəyli kənd sakini Söylü Eminova təşəkkür məktubunda etdiyi müraciətin operativ və obyektiv şəkildə araşdırılmasına görə DİN rəhbərliyinə minnətdarlığını yazır.

Sumqayıt şəhər sakini Günel Səfərova üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Sumqayıt ŞPİ-nin rəhbərliyinə və əməkdaşlarına minnətdarlığını ifadə edir.

Bir qrup Bakı şəhər sakinləri üzləşdikləri problemlə əlaqədar etdikləri müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Binəqədi RPİ və şəxsi heyətinə təşəkkürlərini ifadə edirlər.