Kürdəmir rayonunun Qoçulu kənd sakini İnqilab Vəliyev DİN-ə ünvanladığı məktubunda müraciətinin müsbət həll olunduğuna görə Sabirabad RPŞ-nin xidmət üzrə rəis müavini Aqşin Tağıyevə minnətdarlığını bildirir.

Cəlilabad rayon sakini Natiq Babayev dələduzluq yolu ilə pulunun mənimsənilməsi ilə bağlı Xətai RPİ-yə ünvanladığı müraciətdən sonra ona dəymiş maddi ziyanın tam ödətdirilməsində göstərilən köməyə görə İstintaq Şöbəsinin müstəntiqi Zabil Qurbanova təşəkkürünü bildirir.

Bakı şəhər sakini Faiq Nağıyev DİN-ə ünvanladığı məktubunda Ziya Bünyadov prospektindən Sabunçu dairəsi tərəfə yeni açılmış yolda istiqaməti tapmaqda göstərdikləri köməkliyə görə ərazidə xidmət aparan YPX əməkdaşlarına minnətdarlığını bildirir.

Ağcabədi Subartezian Quyularının İstismarı İdarəsinin rəisi Əli Əliyev DİN-ə ünvanladığı məktubunda idarəyə məxsus artezian quyularından elektrik naqillərini oğurlamaqda şübhəli bilinən şəxslərin qısa müddətdə müəyyən edilərək saxlanılması və dəymiş maddi ziyanın ödətdirilməsində göstərilən köməyə görə DİN rəhbərliyinə minnətdarlığını bildirir.

Böyük Britaniya və Şimali İrlandiya Birləşmiş Krallığının təqaüddə olan polis zabiti, hal-hazırda Bakıda Beynəlxalq Miqrasiya Təşkilatı üzrə xarici məsləhətçi olan Peter Bryant Azərbaycan Respublikasının Daxili İşlər Nazirliyinin rəhbərliyinə ünvanladığı məktubunda bildirir ki, bu yaxınlarda BMT-nin təşkilatçılığı ilə gerçəkləşən layihədə iştirak etmişdir. Layihə çərçivəsində DİN-in İnsan Alverinə Qarşı Mübarizə Baş İdarəsinin əməkdaşı İlkin Qurbanov mövzu ətrafında yüksək peşəkarlıqla məlumat vermiş, sessiya təqdim etmişdir.

Beynəlxalq müşahidəçi kimi bütün dünyada təlimlər keçirən Peter Bryant insan alverinə qarşı belə peşəkarlığa çox nadir hallarda rast gəldiyini bildirir və DİN-in İnsan Alverinə Qarşı Mübarizə Baş İdarəsinin fəaliyyətini yüksək dəyərləndirir.

Qusar rayon sakini Fuad Səfərov DİN-ə ünvanladığı məktubunda üzləşdiyi problemin həllində göstərilən köməkliyə görə Rayon Polis Şöbəsinin rəhbərliyinə və İctimai Təhlükəsizlik Bölməsinin əməkdaşlarına təşəkkürünü bildirir.

Naxçıvan şəhər sakini Elmar Həsənov DİN-ə ünvanladığı məktubunda uğurlu keçirdiyi əməliyyata, ona göstərilən diqqət və qayğıya görə DİN-in A.N.Heydərov adına Respublika Hospitalının Travmatologiya şöbəsinin həkim-ordinatoru Ramil Nəcəfova, tibb xidməti baş serjantı Xəyalə Məmmədovaya və tibb xidməti serjantı Aynur Rzayevaya minnətdarlığını bildirir.

Şəmkir rayon sakini Elxan Sadıqov DİN-ə ünvanladığı məktubunda şikayət ərizəsinə tez bir zamanda baxılaraq obyektiv həllini tapdığına görə Daxili İşlər Nazirliyinin rəhbərliyinə təşəkkürünü bildirir.

Qusar şəhər sakini Raziyə Məmmədova DİN-ə ünvanladığı məktubunda Rayon Polis Şöbəsinin İctimai Təhlükəsizlik Bölməsinin sahə rəisi Fərid Rəhimovun xidməti fəaliyyətini layiqincə yerinə yetirdiyinə görə minnətdarlığını bildirir.