Naxçıvan MR DİN-in əməkdaşı, polis veteranı Şükür Rüstəmov öz məktubunda səhhətində yaranan problemlərlə bağlı DİN-in A.N.Heydərov adına Respublika Hospitalına müraciət etdiyini qeyd edir. Ş.Rüstəmov Urologiya şöbəsində ona göstərilən yüksək diqqət və qayğıdan, həmçinin dəqiq müayinə və peşəkar müalicədən razılığını ifadə edir, DİN və Hospitalın rəhbərliklərinə təşəkkürünü bildirir.

Salyan rayonunun Xıdırlı kənd sakini Rəşid Tarverdiyev təşəkkür məktubunda müraciətinə obyektiv baxılmasına və ona dəymiş maddi ziyanın ödətdirilməsində göstərdikləri köməyə görə DİN rəhbərliyinə təşəkkürünü bildirir.

Sabirabad rayon sakini Elman Abasov təşəkkür məktubunda etdiyi müraciətə operativ baxılaraq müsbət həll olunduğuna görə DİN rəhbərliyinə minnətdarlığını bildirir.

Gəncə şəhər sakini Tofiq Məmmədov Daxili İşlər Nazirliyinə ünvanlandığı məktubunda Gəncə şəhərinin Nizami Rayon Polis İdarəsinə etdiyi müraciətinə operativ reaksiya verildiyinə və qısa müddətdə baxılaraq həllini tapdığına görə DİN rəhbərliyinə və Nizami RPİ-nin əməkdaşlarına təşəkkürünü bildirir.

Lənkəran rayonunun Əşlə kənd sakini Xeyrulla Xalıqov DİN rəhbərliyinə ünvanladığı təşəkkür məktubunda ona məxsus inəyi otlaq sahəsində oğurlayan şəxsin tapılmasına və dəyən maddi ziyanın tam şəkildə ödənilməsinə görə minnətdarlığını ifadə edir.

Astara rayon Kakalos kənd sakini Səfail Cahangirov DİN rəhbərliyinə ünvanladığı təşəkkür məktubunda müraciətinə operativ cavab verilməsinə və oğurlanmış əşyasının tapılaraq geri qaytarılmasına görə Astara RPŞ-nin əməkdaşlarına minnətdarlığını bildirir.

Lənkəran şəhər sakini Emin Əliyev DİN rəhbərliyinə ünvanladığı təşəkkür məktubunda övladının DİO-da xidmətə qəbul edilməsinə görə minnətdarlığını ifadə edir.

Cəlilabad rayonunun Üçtəpə kənd sakini Əmrah Quliyev DİN rəhbərliyinə ünvanladığı təşəkkür məktubunda vətəndaş müraciətlərinə və onların qayğılarına həssaslıqla yanaşılmasına görə Cəlilabad RPŞ-nin rəhbərliyindən razılığını bildirir.

Cəlilabad rayonunun Hacıcavad kənd sakini Naib Cavadov etdiyi müraciətinə həssaslıqla yanaşılmasına və köməklik göstərilməsinə görə DİN rəhbərliyinə münnətdarlığını bildirir.