Füzuli rayon sakini məcburi köçkün Zəhra Canbazova ölkəmizdəki sabitliyə görə DİN rəhbərliyinə təşəkkürünü yazır.

Səbail rayonundan bir qrup iş adamı-Mirsani Seyidov, Ramil Süleymanov və Əli Ələkbərzadə bu gün ölkəmizdə sabitliyin təminində, əmin-amanlığın bərqərar olunmasında polisin əməyini yüksək qiymətləndirir, xüsusən də turistlərin ən çox axın etdiyi “Fəvvarələr” meydanında xidmət aparan həmkarlarımızdan razılıqlarını bildirirlər.

Sumqayıt şəhər sakini Oktay Məmmədli yazır ki, Bakı-Şamaxı yolunda velosiped idman növü ilə məşğul olan övladını naməlum avtomobil vuraraq xəsarət yetirmişdir. Polislərin səyi nəticəsində yaralı xəstəxanaya çatdırılmış, Muşfiq postunda xidmət aparan Yol Patrul Xidməti əməkdaşları tərəfindən hadisəni törətmiş şəxs saxlanılmışdır.

Bakı şəhər sakini Pərviz Hüseynov 37-ci Polis Bölməsinin əməkdaşlarından razılığını ifadə edir.

Bakı şəhər sakini Ülkər Nağıyeva müraciətinə vaxtında baxıldığına və ona qarşı dələduzluq etmiş şəxsdən pulunun alınmasında göstərdikləri köməyə görə Nərimanov RPİ-nin əməkdaşlarına minnətdarlığını ifadə edir.

Bakı şəhər sakini Fərid Əhmədov və Laçın rayon sakini Şirvan Məmmədov polisin fəaliyyətini yüksək qiymətləndirir, asayiş keşikçilərinə xidmətdə uğurlar arzulayırlar.

Gəncə şəhər sakini Elnurə Ələkbərova üzləşdiyi problemə operativ yanaşdıqlarına və müvafiq hüquqi qiymətləndirmədən sonra onun haqlı olduğunu üzə çıxardıqlarına, görülən tədbirlər nəticəsində ədalətin bərpa olunduğunu görə Daşkəsən Rayon Polis Şöbəsinin əməkdaşlarına təşəkkürünü bildirir.

Astara rayon sakinləri Fuad Əsədullayev və Sənan Liftiyev DİN-ə ünvanladıqları təşəkkür məktubunda RPŞ əməkdaşlarının xidmətindən məmnun qaldıqlarını, rayonda sabitliyin və asayişin etibarlı qorunduğunu xüsusi vurğulayırlar.

Bakı şəhər sakinləri Ə.Hüseynzadə, Rüfət Hüseynov, Elşən Ağamirzəyev və Sumqayıt şəhər Corat qəsəbə sakini Dilqəm Fərzəliyev onlara dəymiş ziyanın ödətrilməsinə görə həmkarlarımıza minnətdarlıq edirlər.