Sumqayıt şəhər sakini Sevinc Əliyeva Daxili İşlər Nazirliyinə ünvanladığı məktubunda müraciətinə Baş Pasport, Qeydiyyat və Miqrasiya İdarəsində operativ baxılaraq müsbət həll olunduğunu bildirir. O, belə diqqətə, həmçinin nəzakətli davranışa görə polis əməkdaşlarına təşəkkürünü bildirir, çətin və şərəfli işlərində uğurlar arzulayır.

Bakı şəhər sakini Fikrət Əzimov DİN-ə ünvanladığı məktubunda narkotiklərin qanunsuz dövriyyəsi ilə bağlı müraciətinə dərhal reaksiya verildiyinə və keçirilmiş operativ əməliyyat-axtarış tədbirlərinə görə özü və məhəllə sakinləri adından DİN rəhbərliyinə, habelə Yasamal RPİ-nin Narkotiklərlə Mübarizə Bölməsinin əməkdaşlarına təşəkkürünü bildirir.

Bakı şəhər sakini Musa Qasımov DİN rəhbərliyinə ünvanladığı təşəkkür məktubunda koronovirus infeksiyası ilə əlaqədar yaradılmış karantin rejimi ərəfəsində Nardaran qəsəbəsində yaşayan aztəminatlı ailələrə Polis İdarəsi tərəfindən edilən yardıma görə Azərbaycan Polisinə qəsəbə sakinləri adından minnətdarlığını bildirir.

Astara rayon sakini Emiliya Əliyeva ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də maddi çətinliyi olan ailələrə etdikləri yardımlara görə DİN rəhbərliyinə və Astara RPŞ-nin əməkdaşlarına minnətdarlığını bildirir.

Bakı şəhər sakini Vəfa Mustafazadə ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, eləcə də fədakarlıq nümayiş etdirdiklərinə görə başda DİN rəhbərliyi olmaqla bütün şəxsi heyətə təşəkkürünü bildirir.

Astara rayonunun Rüdəkənar kənd sakini Məmməd Abdullayev DİN rəhbərliyinə ünvanladığı təşəkkür məktubunda Rayon Polis Şöbəsinə etdiyi müraciətin obyektiv şəkildə araşdırılmasına və ona dəyən maddi ziyanın ödənilməsinə görə öz minnətdarlığını bildirir.

Astara rayonunun Ərçivan qəsəbə sakini Elman Məstiyev DİN rəhbərliyinə ünvanladığı təşəkkür məktubunda ona və qardaşına məxsus evlərdən oğurluq edən şəxslərin Astara RPŞ-nin əməkdaşları tərəfindən müəyyən edilərək saxlanılmasına və dəyən maddi ziyanın tam şəkildə ödənilməsinə görə razılığını ifadə edir.

Bakı şəhər sakini Telman Abbasov Daxili İşlər Nazirliyinə ünvanladığı məktubunda oğlunun daxili işlər orqanlarında xidmət etdiyini bildirir. O, gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Bakı şəhər sakini Zərifəxanım Məlikova koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də maddi çətinliyi olan ailələrə etdikləri ərzaq yardımlarına görə DİN rəhbərliyinə və Sabunçu RPİ-nin 42-ci Polis Bölməsinin əməkdaşlarına minnətdarlığını bildirir.