Bakı şəhər sakini İsmayıl Kərimov üzləşdiyi problemlə əlaqədar etdiyi müraciətə operativ reaksiya verilərək ona dəymiş ziyanın ödətdirilməsində göstərdikləri köməkliyə görə DİN rəhbərliyinə və əməkdaşlarına minnətdarlığını bildirir.

Bakı şəhər sakini Urfanə Məmmədova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və Nizami RPİ-nin əməkdaşlarına minnətdarlığını bildirir.

Sabirabad rayonunun Qaragüney kənd sakini Lətif Cəfərov Daxili İşlər Nazirliyinə ünvanladığı məktubunda bildirir ki, marta ayının ortalarında oğlu avtomobili ilə onu xəstəxanaya apararkən qəfildən maşında nasazlıq yaranıb və onlar yolda qalıblar. Həmin vaxt onlara yaxınlaşan Yol-Patrul Xidməti əməkdaşı onu təcili xəstəxanaya çatdırıb. “Sonradan oğlum mənə dedi ki, səni xəstəxanaya yerləşdirəndən sonra həmin polis əməkdaşı yolda qalmış avtomobilin də təmir edilməsində ona köməklik edib”.

Hazırda sağalaraq xəstəxanadan çıxdığını bildirən L.Cəfərov özü və ailəsinin adından bu humanistliyə, göstərdiyi diqqətə, qayğıya və köməkliyə görə DİN Baş Dövlət Yol Polisi İdarəsinin Yol-Patrul Xidməti Alayının 12-ci taqımının əməkdaşı Fariz Cavadova minnətdarlığını bildirir, bütün polis işçilərinə çətin və şərəfli xidmətlərində uğurlar arzulayır.

Bakı şəhər sakini Gülnarə Nuriyeva DİN rəhbərliyinə ünvanladığı təşəkkür məktubunda ailəsində yaşanan problemlə əlaqədar Binəqədi RPİ 40-cı Polis Bölməsinə etdiyi müraciətə operativ baxıldığına və göstərilən köməkliyə görə minnətdarlığını bildirir.

Lənkəran rayonunun Cil kənd sakini Aytən Sadıqova DİN rəhbərliyinə ünvanladığı təşəkkür məktubunda etdiyi müraciətinin obyektiv araşdırılmasına və ona köməklik göstərilməsinə görə Lənkəran ŞRPŞ-nin rəhbərliyinə minnətdarlığını ifadə edir.

Kapital Bank ASC-nin Astara rayon filialının müdiri Anar Sadıqov DİN rəhbərliyinə ünvanladığı təşəkkür məktubunda banka müraciət edən vətəndaşların nizamlı şəkildə xidmətdən yararlanmasını təşkil etdiklərinə, sosial izolyasiya tədbirlərinin təmin olunmasına və ümumilikdə koronavirus infeksiyasının yayılmasının qarşısının alınmasında göstərdikləri xidmətlərə görə Astara Rayon Polis Şöbəsinin əməkdaşlarına minnətdarlığını bildirir.

Astara rayonunun Burzubənd kəndinin sakini Ramin Aslanov DİN rəhbərliyinə ünvanladığı təşəkkür məktubunda müraciətinin müsbət həllini tapmasına görə Rayon Polis Şöbəsinin rəhbərliyindən razılığını bildirir.

Goranboy rayon sakini Arif Namazov ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə, eləcə də maddi çətinliyi olan ailələrə etdikləri yardımlara görə DİN rəhbərliyinə və Goranboy RPŞ-nin əməkdaşlarına minnətdarlığını bildirir.

İsmayıllı rayon sakini Rəşad İskəndərov ölkəmizdə koronavirus pandemiyası ilə mübarizədə həyata keçirilən karantin tədbirlərində polis əməkdaşlarının xidməti vəzifə borclarını layiqincə yerinə yetirdiklərinə görə Azərbaycan polisinə öz minnətdarlığını bildirir.