Bakı şəhər sakini İlkin Qasımov Daxili İşlər Nazirliyinə ünvanladığı müraciətinə çevik reaksiya verildiyinə və dərhal araşdırılaraq müsbət həll olunduğuna görə minnətdarlığını bildirir.

Ağcabədi şəhər Bələdiyyəsinin hüquq məsələləri daimi komissiyasının sədri Çərkəz Ağayev Daxili İşlər Nazirliyinə ünvanladığı məktubunda karantin rejimi dövründə rayon ərazisində pandemiyanın qarşısının alınması və insanların sağlamlığının qorunması üçün həyatlarını belə risqə ataraq gecə-gündüz xidmət aparan, öz üzərinə düşən vəzifəni layiqincə yerinə yetirən polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır, qarşıdan gələn 2 iyul Azərbaycan Polisi Günü münasibətilə bütün polis əməkdaşlarını təbrik edir.

Bakı şəhər sakini Kamil Nəcəfov üzləşdiyi xuliqanlıq hadisəsi ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərilən köməkliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir.

Bakı şəhər sakini Eldəniz Təhməzov avtomobilinin qaçırılması ilə əlaqədar etdiyi müraciətə operativ reaksiya verilərək qısa zaman kəsiyində tapılmasında, habelə ona qaytarılmasında göstərilən köməkliyə görə DİN rəhbərliyinə və Nərimanov RPİ-nin şəxsi heyətinə təşəkkürünü ifadə edir.

Masallı rayonunun Sığdaş kənd sakini Elşən Həbibzadə DİN rəhbərliyinə ünvanladığı təşəkkür məktubunda koronavirus pandemiyasının qarşısının alınmasında sərgilədiyi fədakar xidmətə və gərgin əməyə görə Azərbaycan Polisinə minnətdarlığını bildirir.

Masallı rayonunun Binə Xocavar kənd sakini Ülvi Rufullayev DİN rəhbərliyinə ünvanladığı təşəkkür məktubunda Azərbaycan Polisinin fəaliyyətindən razılığını bildirir və minnətdarlığını ifadə edir.

Masallı RİH başçısının Çaxırlı inzibati ərazi dairəsi üzrə nümayəndəsi Musa Qubadov DİN rəhbərliyinə ünvanladığı təşəkkür məktubunda ictimai asayişin və ictimai təhlükəsizliyin qorunmasına, koronavirus pandemiyası dövründə göstərilən nümunəvi xidmətə görə bütün polis əməkdaşlarına öz minnətdarlığını bildirir.

Masallı rayonunun Ərkivan qəsəbə sakini Tohid Tağıyev öz təşəkkür məktubunda cinayətkarlığa qarşı mübarizədə və ictimai asayişin qorunması sahəsində görülən tədbirlərə görə DİN rəhbərliyinə minnətdarlığını ifadə edir.

Masallı rayonunun Ərkivan qəsəbəsinin bir qrup sakini DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gələn Azərbaycan Polisindən razılığını ifadə edir.